മകൾക്കൊപ്പം യാത്ര ചെയ്യുകയായിരുന്ന മലയാളി ബഹ്ൈറനിൽ വാഹനാപകടത്തിൽ മരിച്ചു

മനാമ: ബഹ്റൈനിൽ മകൾക്കൊപ്പം കാറിൽ യാത്ര ചെയ്യുകയായിരുന്ന മലയാളി വാഹനാപകടത്തിൽ മരിച്ചു. സ്വകാര്യ കമ്പനി ജീവനക്കാരനായ മുത്തുസ്വാമി ഗുരുവായൂരപ്പൻ രാജൻ (60) ആണ് മരിച്ചത്. ഇന്നലെ ഉച്ചയോടെയായിരുന്നു സംഭവം. എന്നാൽ 24 വയസുള്ള മകൾക്ക് കാര്യമായ പരിക്കില്ല. വാഹനാപകടം ഉണ്ടായതിനെ തുടർന്ന് തലക്ക് ഗുരുതര പരിക്കേറ്റ നിലയിൽ ഇദ്ദേഹത്തെ സൽമാനിയ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. രാജന്‍റെ കുടുംബം ബഹ്റൈനിലുണ്ട്.