ദിനേശൻ കുടുംബസഹായ ഫണ്ട് നാട്ടിൽ കൈമാറി ബഹ്റൈൻ പ്രതിഭ
text_fieldsദിനേശൻ കുടുംബസഹായ ഫണ്ട് ബഹ്റൈൻ പ്രതിഭ നേതാക്കളായ സി.വി. നാരായണനും
സുബൈർ കണ്ണൂരും ചേർന്ന് തൊട്ടിൽപാലത്തു കൈമാറുന്നു
മനാമ: കോവിഡ് ബാധിച്ചു മരണപ്പെട്ട ബഹ്റൈൻ പ്രതിഭ സിത്ര യൂനിറ്റ് അംഗമായിരുന്ന ദിനേശെൻറ കുടുംബത്തെ സംരക്ഷിക്കാൻ ബഹ്റൈൻ പ്രതിഭ പ്രവർത്തകർ സമാഹരിച്ച കുടുംബസഹായ ഫണ്ട് കൈമാറി. പ്രതിഭ പ്രവർത്തകർ സമാഹരിച്ച 6.70 ലക്ഷം രൂപ കോഴിക്കോട് തൊട്ടിൽപാലത്ത് ദിനേശെൻറ വീട്ടിൽ െവച്ച് പ്രതിഭ നേതാക്കളായ സി.വി. നാരായണനും സുബൈർ കണ്ണൂരും ചേർന്ന് കൈമാറി. പ്രവാസി വ്യവസായി വർഗീസ് കുര്യൻ നൽകിയ ഒരു ലക്ഷം രൂപ മുമ്പ് കുടുംബത്തിന് കൈമാറിയിരുന്നു.
സി.പി.എം കോഴിക്കോട് ജില്ല കമ്മിറ്റി അംഗം കെ. കൃഷ്ണൻ, കാവിലുംപാറ പഞ്ചായത്ത് പ്രസിഡൻറ് എ.ജി. ജോർജ് മാസ്റ്റർ, സി.പി.എം കാവിലുംപാറ ലോക്കൽ സെക്രട്ടറി എ.ആർ. വിജയൻ, പ്രതിഭ സിത്ര യൂണിറ്റ് മുൻ സെക്രട്ടറി സതീന്ദ്രൻ എന്നിവർ ചടങ്ങിൽ പങ്കെടുത്തു. ഈ പ്രവർത്തനത്തിൽ പങ്കാളികളായവർക്ക് നന്ദി രേഖപ്പെടുത്തുന്നതായി ബഹ്റൈൻ പ്രതിഭ ജനറൽ സെക്രട്ടറി എൻ.വി. ലിവിൻ കുമാറും പ്രസിഡൻറ് കെ.എം സതീഷും അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

