പാരമ്പര്യം മുറ​ുകെ  പിടിക്കും –പ്രധാനമന്ത്രി

മനാമ: രാജ്യത്തെ സമാധാനത്തി​​​െൻറയും ശാന്തിയുടെയും ഇടമായി നിലനിർത്തുന്നതിന്​ മുന്‍ഗാമികള്‍ കാണിച്ച പാതയിലൂടെ മുന്നോട്ട് പോകുമെന്ന്​ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ഖലീഫ വ്യക്തമാക്കി. കഴിഞ്ഞ ദിവസം ഗുദൈബിയ പാലസില്‍ പൗരപ്രമുഖരെ സ്വീകരിച്ച് സംസാരിക്കുകയായിരുന്നു അദ്ദേഹം. അന്താരാഷ്​ട്ര നയ രൂപവത്കരണത്തില്‍ അറബ്^ജി.സി.സി മേഖല ശക്തമായ പങ്കാണ്​ വഹിക്കുന്നുണ്ട്. 

മേഖലയെ ഇതര രാജ്യങ്ങള്‍ പ്രധാന്യത്തോടെയാണ് വീക്ഷിക്കുന്നത്. സാമ്പത്തിക^സുരക്ഷാ പ്രശ്‌നങ്ങളില്‍ ജി.സി.സി രാഷ്​ട്രങ്ങള്‍ കൂടുതല്‍ ശ്രദ്ധ കാണിക്കുകയും പ്രവര്‍ത്തനങ്ങള്‍ ശക്തിപ്പെടുത്തുകയും ചെയ്യേണ്ടതുണ്ടെന്ന് അദ്ദേഹം ചൂണ്ടിക്കാട്ടി. വിവിധ പ്രശ്‌നങ്ങളില്‍ ബഹ്‌റൈൻ നിലപാട് ലോക ശ്രദ്ധ നേടിയിട്ടുണ്ട്. പ്രാദേശികമായ വിവിധ പ്രശ്‌നങ്ങളെക്കുറിച്ച്​ അദ്ദേഹം അതിഥികളുമായി സംവദിച്ചു. 

വിദ്യാഭ്യാസമടക്കമുള്ള മേഖലകളില്‍ ബഹ്‌റൈന്‍ കൈവരിച്ച നേട്ടം പ്രധാനമാണെന്നും വിവിധ രാഷ്​ട്രങ്ങൾ ഇൗ നേട്ടങ്ങളെ പ്രകീര്‍ത്തിച്ചിട്ടുണ്ടെന്നും അദ്ദേഹം വ്യക്തമാക്കി. തദ്ദേശീയ തൊഴില്‍ ശക്തിയെ വളര്‍ത്തിക്കൊണ്ടുവരുന്നതിന്​ വിവിധ തലങ്ങളിൽ പ്രവര്‍ത്തനം ശക്​തമാണ്​. 
വരും തലറമുറയിലേക്ക് രാജ്യത്തി​​​െൻറ സംസ്‌കാരവും പാരമ്പര്യവും സന്നിവേശിപ്പിക്കുകയും അത് നിലനിര്‍ത്താന്‍ ശ്രമിക്കുകയും ചെയ്യേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.