പ്രധാനമന്ത്രിക്ക് ഖത്തറില്‍ ഊഷ്മള സ്വീകരണം

മനാമ: കഴിഞ്ഞ ദിവസം ഖത്തറിലത്തെിയ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫക്ക് ഖത്തര്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ നേതൃത്വത്തില്‍ ഊഷ്മള സ്വീകരണം. ഇരുരാജ്യങ്ങളും തമ്മിലുളള ബന്ധം ശക്തമാക്കാനും വിവിധ മേഖലകളിലുള്ള സഹകരണം വ്യാപിപ്പിക്കാനും സന്ദര്‍ശനം കരുത്ത് പകരുമെന്നാണ് പ്രതീക്ഷിക്കുന്നത്. ബഹ്റൈന്‍-കുവൈത്ത് സാഹോദര്യബന്ധം ഏറെ പ്രതീക്ഷയുണര്‍ത്തുന്നതാണെന്ന് പ്രധാനമന്ത്രി വ്യക്തമാക്കി. രാജാവ് ഹമദ് ബിന്‍ ഈസ ആല്‍ഖലീഫയുടെ ആശംസ പ്രധാനമന്ത്രി അമീറിന് കൈമാറി. ശൈഖ് തമീം ബിന്‍ ഹമദ് ആല്‍ഥാനിയുടെ നേതൃത്വത്തില്‍ ഖത്തര്‍ കൂടുതല്‍ വളര്‍ച്ചയും സമാധാനവും കൈവരിക്കട്ടെയെന്നും അദ്ദേഹം ആശംസിച്ചു. ബഹ്റൈനുമായുള്ള ബന്ധം ശക്തമാക്കുന്നതിനുള്ള ഖത്തറിന്‍െറ താല്‍പര്യം ശൈഖ് തമീം പ്രകടിപ്പിച്ചു. മേഖല അഭിമുഖീകരിക്കുന്ന വെല്ലുവിളികള്‍ നേരിടുന്നതിന് ജി.സി.സി രാജ്യങ്ങള്‍ക്കിടയിലുള്ള ഐക്യം കൂടുതല്‍ ശക്തമാകേണ്ടതുണ്ടെന്ന് പ്രധാനമന്ത്രി പറഞ്ഞു. പ്രധാനമന്ത്രിയോടുള്ള ആദര സൂചകമായി ഖത്തര്‍ അമീര്‍ പ്രത്യേക വിരുന്നുമൊരുക്കി.