ദേശീയ പാരമ്പര്യം നിലനിര്‍ത്തുന്നതില്‍  ബഹ്റൈന്‍ മുന്നില്‍ –പ്രധാനമന്ത്രി

മനാമ: പാരമ്പര്യവും സംസ്കാരവും നിലനിര്‍ത്തുന്നതില്‍ ബഹ്റൈന്‍ മുന്നിലാണെന്ന് പ്രധാനമന്ത്രി  പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫ പറഞ്ഞു. പരിസ്ഥിതി പ്രവര്‍ത്തകനും ഫാല്‍ക്കണ്‍  പക്ഷി വിദഗ്ധനുമായ ഡോ. നിക്കൊളാസ് ക്രിസ്റ്റഫര്‍ ഫോക്സിനെ സ്വീകരിച്ച് സംസാരിക്കുകയായിരുന്നു അദ്ദേഹം. അറബ് പാരമ്പര്യ രീതികളും സംസ്കാരവും സംരക്ഷിക്കുന്നതിന് മുന്തിയ പരിഗണനയാണ്  സര്‍ക്കാര്‍ നല്‍കുന്നതെന്ന് അദ്ദേഹം ചൂണ്ടിക്കാട്ടി. ഫാല്‍ക്കണ്‍ പക്ഷികളെ ഉപയോഗിച്ചുള്ള വേട്ട അറബ്-ബഹ്റൈന്‍ പാരമ്പര്യത്തിന്‍െറ ഭാഗമാണ്. ഇത് നിലനിര്‍ത്തുന്നതിനുള്ള ശ്രമങ്ങള്‍ ശക്തിപ്പെടുത്തുമെന്നും അദ്ദേഹം കൂട്ടിച്ചേര്‍ത്തു.