ആഭ്യന്തരമന്ത്രിമാരുടെ സമ്മേളനത്തില്‍ ബഹ്റൈന്‍ പങ്കാളിയായി

മ​നാ​മ: അ​ന്താ​രാ​ഷ്​​ട്ര സു​ര​ക്ഷ സ​ഖ്യ​രാ​ജ്യ​ങ്ങ​ളി​ലെ ആ​ഭ്യ​ന്ത​ര മ​ന്ത്രി​മാ​രു​ടെ സ​മ്മേ​ള​ന​ത്തി​ല്‍ ബ​ഹ്റൈ​ന്‍ പ​ങ്കാ​ളി​യാ​യി. ബ​ഹ്റൈ​നെ പ്ര​തി​നി​ധാ​നം​ചെ​യ്​​ത്​ ആ​ഭ്യ​ന്ത​ര മ​ന്ത്രി കേ​ണ​ല്‍ ജ​ന​റ​ല്‍ ശൈ​ഖ് റാ​ഷി​ദ് ബി​ന്‍ അ​ബ്​​ദു​ല്ല ആ​ല്‍ ഖ​ലീ​ഫ​യാ​ണ് യോ​ഗ​ത്തി​ൽ പ​ങ്കെ​ടു​ത്ത​ത്. ഓ​ണ്‍ലൈ​നി​ല്‍ സം​ഘ​ടി​പ്പി​ച്ച മൂ​ന്നാ​മ​ത് യോ​ഗ​ത്തി​ല്‍ ബ​ഹ്റൈ​നെ കൂ​ടാ​തെ യു.​എ.​ഇ, മൊ​റോ​ക്കോ, ഇ​റ്റ​ലി, സ്​​ലോ​വാ​ക്യ, ഫ്രാ​ന്‍സ്, ഇ​സ്രാ​യേ​ല്‍, സെ​ന​ഗ​ല്‍, സിം​ഗ​പ്പൂ​ര്‍ എ​ന്നീ രാ​ജ്യ​ങ്ങ​ളി​ല്‍നി​ന്നു​ള്ള ആ​ഭ്യ​ന്ത​ര മ​ന്ത്രി​മാ​ര്‍ പ​ങ്കെ​ടു​ത്തു.

2017ല്‍ ​യു.​എ.​ഇ കേ​ന്ദ്ര​മാ​യാ​ണ് കൂ​ട്ടാ​യ്​​മ രൂ​പ​വ​ത്ക​രി​ച്ച​ത്. യു.​എ.​ഇ ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് സൈ​ഫ് ബി​ന്‍ സാ​യി​ദ് ആ​ല്‍ ന​ഹ്​​യാെൻറ അ​ധ്യ​ക്ഷ​ത​യി​ല്‍ ചേ​ര്‍ന്ന യോ​ഗ​ത്തി​ല്‍ അം​ഗ​രാ​ജ്യ​ങ്ങ​ള്‍ ത​മ്മി​ലു​ള്ള സ​ഹ​ക​ര​ണ​ത്തിെൻറ നേ​ട്ട​ങ്ങ​ള്‍ ച​ര്‍ച്ച ചെ​യ്​​തു. അ​ടു​ത്ത ര​ണ്ട് വ​ര്‍ഷ​ത്തെ പ്ര​വ​ര്‍ത്ത​ന പ​ദ്ധ​തി​യും യോ​ഗ​ത്തി​ൽ അ​വ​ത​രി​പ്പി​ച്ചു. തീ​വ്ര​വാ​ദ ഗ്രൂ​പ്പു​ക​ള്‍ വി​വി​ധ പേ​രു​ക​ള്‍ സ്വീ​ക​രി​ച്ച് വ്യ​ത്യ​സ്​​ത രൂ​പ​ത്തി​ല്‍ സാ​മൂ​ഹി​ക മാ​ധ്യ​മ​ങ്ങ​ളെ ഉ​പ​യോ​ഗ​പ്പെ​ടു​ത്തി പ്ര​വ​ര്‍ത്തി​ക്കു​ന്ന​താ​യി ശൈ​ഖ് റാ​ഷി​ദ് വ്യ​ക്ത​മാ​ക്കി.

ല​ക്ഷ്യം നേ​ടു​ന്ന​തി​ന് നി​യ​മ​ങ്ങ​ള്‍ക്ക് വി​ധേ​യ​മാ​യി പ്ര​വ​ര്‍ത്തി​ക്കു​ന്ന​വ​രാ​ണെ​ന്ന് ബോ​ധ്യ​പ്പെ​ടു​ത്താ​നു​ള്ള ശ്ര​മ​ങ്ങ​ളു​മു​ണ്ടാ​കു​ന്നു​ണ്ട്. ഭാ​വി​യി​ലു​ണ്ടാ​കാ​ന്‍ സാ​ധ്യ​ത​യു​ള്ള കു​റ്റ​കൃ​ത്യ​ങ്ങ​ള്‍ ത​ട​യു​ന്ന​തി​നാ​വ​ശ്യ​മാ​യ പ​രി​ശീ​ല​ന പ​രി​പാ​ടി​ക​ള്‍ സം​ഘ​ടി​പ്പി​ക്കു​ന്ന​തി​നു​ള്ള നി​ര്‍ദേ​ശ​ങ്ങ​ളും അ​ദ്ദേ​ഹം മു​ന്നോ​ട്ടു വെ​ച്ചു.