മനാമയിൽ സൈക്കിളിൽ ട്രക്കിടിച്ച് ഹൈദരാബാദ് സ്വദേശി മരിച്ചു

മനാമ: ജോലി കഴിഞ്ഞ് മടങ്ങുന്നതിനിടെ സൈക്കിളിൽ ട്രക്കിടിച്ച് ഹൈദരാബാദ് സ്വദേശി മരിച്ചു. ഫൗസി കാനൂ പ്രോപർട്ടിയിലെ സെക്യൂരിറ്റി ജീവനക്കാരനായ മുകിർല ജീവൻ റാവു (37) ആണ് മനാമയിലുണ്ടായ അപകടത്തിൽ മരിച്ചത്.

വ്യാഴാഴ്ച രാവിലെ ജോലി കഴിഞ്ഞ് താമസ സ്ഥലത്തേക്ക് മടങ്ങുന്നതിനിടെയാണ് അപകടം. തുടർനടപടികൾ കമ്പനിയുടെ മേൽനോട്ടത്തിൽ നടന്നുവരികയാണ്.