കോസ്​വെ വഴിയുള്ള പോക്കുവരവിൽ സർവകാല റെക്കോഡ്​

മനാമ: പെരുന്നാളി​​​െൻറ നാലാം ദിവസമായ വ്യാഴാഴ്​ച കിങ്​ ഫഹദ്​ കോസ്​​വെ വഴി ബഹ്​റൈനിലെത്തി മടങ്ങിയത്​​ 115,749 പേർ.  ഇത്​ 1986ൽ കോസ്​വെ തുറന്നശേഷമുള്ള സർവകാല റെക്കോഡ്​ ആണ്. ആഭ്യന്തര മന്ത്രാലത്തി​​​െൻറ കണക്കനുസരിച്ച്​ 57,361യാത്രികരാണ്​ കോസ്​വെ വഴി ബഹ്​റൈനിലെത്തിയത്​. 58,388 പേർ മടങ്ങുകയും ചെയ്​തു. ഇൗദ്​ അവധിക്കാലത്ത്​ ബഹ്​റൈനിലെ ഹോട്ടൽ മേഖലയിൽ വൻ തിരക്കാണ്​ അനുഭവപ്പെട്ടത്. ഹോട്ടലുകളിൽ 80ശതമാനം ബുക്കിങ്​ രേഖപ്പെടുത്തിയതായാണ്​ കണക്ക്​.