ബഹ്​റൈനും കുവൈത്തും തമ്മിൽ വാക്കുകൾക്ക്​ അതീതമായ സാഹോദര്യബന്​ധം -പ്രധാനമന്ത്രി

മനാമ: വാക്കുകൾക്ക്​ അതീതമായ ആഴത്തിൽ വേരോടിയ സാഹോദര്യ ബന്​ധമാണ്​ ബഹ്​റൈനും കുവൈത്തും തമ്മിലുള്ളതെന്ന്​ പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ പറഞ്ഞു. ബഹ്​റൈനിലെ ക​ുവൈത്ത്​ അംബാസിഡർ ശൈഖ്​ അസ്സാം മുബാറക്​ അൽ സബാഹിനെ സ്വീകരിച്ച്​ സംസാരിക്കുകയായിരുന്നു അദ്ദേഹം. ബഹ്​റൈനിലെ ത​​െൻറ കാലാവധി പൂർത്തിയാക്കിയതിനെ തുടർന്നാണ്​ അംബാസിഡർ പ്രധാനമന്ത്രിയെ സന്ദർശിച്ചത്​. ബഹ്​റൈ​​െൻറ സഹോദര രാജ്യമാണ്​ കുവൈത്ത് എന്ന്​ പ്രധാനമന്ത്രി ചൂണ്ടിക്കാട്ടി.

നേതൃത്വവും ജനങ്ങളും അങ്ങനെതന്നെ കാണുന്നു. എല്ലാ പിന്തുണയും നൽകുന്ന കുവൈത്ത്​ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അൽ സബാഹിനെ പ്രധാനമന്ത്രി അഭിനന്ദിക്കുകയും ചെയ്​തു. രണ്ട്​ രാജ്യങ്ങളുടെയും നയതന്ത്ര ബന്​ധത്തിൽ മികച്ച പങ്ക്​ വഹിച്ച ക​ുവൈത്ത്​ അംബാസിഡറെ പ്രധാനമന്ത്രി അഭിനന്ദിച്ചു. ത​​െൻറ ചുമതല വിജയകരമായി നിർവഹിക്കാൻ എല്ലാവിധ സഹായവും നൽകിയ പ്രധാനമന്ത്രിക്കും ഗവർമ​െൻറിനും അംബാസിഡർ നന്ദിയും കടപ്പാടും അറിയിച്ചു.