ബഹ്​റൈൻ -കോഴി​ക്കോട്​ യാത്രക്കാർ വിമാനത്താവളത്തിൽ എത്തി

മനാമ: പ്രവാസികളെ നാട്ടിലെത്തിക്കുന്ന വന്ദേ ഭാരത്​ ദൗത്യത്തിൽ ബഹ്​റൈനിൽനിന്ന്​ കോഴിക്കോ​േട്ടക്കുള്ള എയർ ഇന്ത്യ എക്​സ്​പ്രസ്​ വിമാനത്തിൽ പുറപ്പെടുന്നവർ വിമാനത്താവളത്തിൽ എത്തി. ബഹ്​റൈൻ സമയം വൈകിട്ട്​ 4.30നാണ്​ വിമാനം പുറപ്പെടുക. 

ഇന്ത്യൻ സമയം രാത്രി 11.20ന്​ വിമാനം കോഴിക്കോ​െട്ടത്തും. 180 യാത്രക്കാരാണ്​ വിമാനത്തിൽ യാത്ര ചെയ്യുന്നത്​. നാല്​ കൈക്കുഞ്ഞുങ്ങളുമുണ്ട്​. 
ഗർഭിണികൾ, ജോലി നഷ്​ടപ്പെട്ടവർ തുടങ്ങിയവരാണ്​ പട്ടികയിൽ ഇടം ലഭിച്ചവരിൽ അധികവും. ​ഇന്ത്യൻ എംബസിയിൽ സജ്ജീകരിച്ച എയർ ഇന്ത്യയുടെ താൽക്കാലിക ഒാഫീസിൽ ശനിയാഴ്​ച തന്നെ യാത്രക്കാർക്കുള്ള ടിക്കറ്റ്​ വിതരണം പൂർത്തിയായിരുന്നു. 

ബഹ്​റൈൻ ഇൻറർനാഷണൽ എയർപോർട്ടിൽ യാത്രക്കാരുടെ പരിശോധനാ നടപടികൾ പുരോഗമിക്കുകയാണ്​. തെർമൽ സ്​ക്രീനിങ്​ നടത്തിയാണ്​ യാത്രക്കാരെ വിമാനത്തിൽ കയറ്റുന്നത്​.