രാ​ജ്യ​ത്തി​ന്‍റെ പ്ര​തി​രോ​ധ സേ​ന 57ാം വാ​ർ​ഷി​ക നി​റ​വി​ൽ; സൈ​നി​ക കേ​ന്ദ്രം സ​ന്ദ​ർ​ശി​ച്ച് ഹ​മ​ദ് രാ​ജാ​വ്

മ​നാ​മ: രാ​ജ്യ​ത്തി​ന്‍റെ ക​രു​ത്താ​യ പ്ര​തി​രോ​ധ​സേ​ന 57ാം വാ​ർ​ഷി​ക നി​റ​വി​ൽ. 1968ൽ ​രാ​ജാ​വ് ശൈ​ഖ് ഈ​സ ബി​ൻ സ​ൽ​മാ​ൻ ആ​ൽ ഖ​ലീ​ഫ രൂ​പം ന​ൽ​കി​യ ബ​ഹ്റൈ​ന്‍റെ സാ​യു​ധ​സേ​ന​യാ​യ ബ​ഹ്റൈ​ൻ ഡി​ഫ​ൻ​സ് ഫോ​ഴ്സ് (ബി.​ഡി.​എ​ഫ്) രാ​ജ്യ​സു​ര​ക്ഷ‍ക്കാ​യി അ​ന്നും ഇ​ന്നും ക​രു​ത​ലാ​യി തു​ട​രു​ക​യാ​ണ്. നാ​ഷ​ന​ൽ ഗാ​ർ​ഡെ​ന്ന നാ​മ​ധേ​യ​ത്തി​ൽ സ്ഥാ​പി​ത​മാ​യെ​ങ്കി​ലും 1969 ന​വം​ബ​ർ ഒ​ന്നി​നാ​ണ് ബ​ഹ്റൈ​ൻ ഡി​ഫ​ൻ​സ് ഫോ​ഴ്സെ​ന്ന പേ​രി​ലേ​ക്ക് മൊ​ഴി​മാ​റ്റ​പ്പെ​ട്ട​ത്. 1969 ഫെ​ബ്രു​വ​രി അ​ഞ്ചി​നാ​ണ് ആ​ദ്യ സേ​നാ​സം​ഘം പ​രി​ശീ​ല​നം ക​ഴി​ഞ്ഞ് പു​റ​ത്തി​റ​ങ്ങു​ന്ന​ത്. 1999 സ​ൽ​മാ​ൻ രാ​ജാ​വി​ന്‍റെ കാ​ല​ശേ​ഷം സാ​യു​ധ​സേ​ന​യു​ടെ സു​പ്രീം​ക​മാ​ൻ​ഡ​റാ​യി ഹ​മ​ദ് രാ​ജാ​വ് നി​യോ​ഗി​ക്ക​പ്പെ​ട്ടു.

ഡെ​പ്യൂ​ട്ടി സു​പ്രീം​ക​മാ​ൻ​ഡ​റാ​യി കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ അ​ൽ ഖ​ലീ​ഫ 2008 ജ​നു​വ​രി മു​ത​ലാ​ണ് നി​യോ​ഗി​ക്ക​പ്പെ​ടു​ന്ന​ത്. ഗ​ൾ​ഫ് യു​ദ്ധ​മ​ട​ക്കം നി​ര​വ​ധി പ്ര​തി​രോ​ധ കാ​ല​ഘ​ട്ട​ത്തി​ൽ കോ​ട്ട​കെ​ട്ടി കാ​വ​ലാ​യ സേ​ന​ക്ക് 57ാം നി​റ​വി​ൽ ഹ​മ​ദ് രാ​ജാ​വും കി​രീ​ടാ​വ​കാ​ശി​യും പ്ര​ശം​സ​ക​ള​റി​യി​ച്ചു.

വാ​ർ​ഷി​ക​ത്തോ​ട​നു​ബ​ന്ധി​ച്ച് ഹ​മ​ദ് രാ​ജാ​വ് ക​ഴി​ഞ്ഞ ദി​വ​സം ബി.​ഡി.​എ​ഫി​ന്‍റെ ബേ​സി​ൽ സ​ന്ദ​ർ​ശ​നം ന​ട​ത്തി. സേ​ന​യു​ടെ ക​രു​ത്താ​യ സു​പ്രീം​ക​മാ​ൻ​ഡ​ർ ഹ​മ​ദ് രാ​ജാ​വി​ന്‍റെ പി​ന്തു​ണ​ക്കും ആ​ശീ​ർ​വാ​ദ​ത്തി​നും സൈ​നി​ക മേ​ധാ​വി​ക​ൾ പ്ര​ശം​സ​യോ​ടൊ​പ്പം ന​ന്ദി​യും അ​റി​യി​ച്ചു. ബി.​ഡി.​എ​ഫി​നെ പി​ന്തു​ണ​ക്കു​ന്ന​തി​നു​ള്ള ഡെ​പ്യൂ​ട്ടി സു​പ്രീം​ക​മാ​ൻ​ഡ​റാ​യ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ പ്ര​തി​ബ​ദ്ധ​ത​യെ ഹ​മ​ദ് രാ​ജാ​വ് പ്ര​ത്യേ​കം അ​ഭി​ന​ന്ദി​ച്ചു. കൂ​ടാ​തെ, ബി.​ഡി.​എ​ഫ് ക​മാ​ൻ​ഡ​ർ ഇ​ൻ ചീ​ഫ് ഫീ​ൽ​ഡ് മാ​ർ​ഷ​ൽ ശൈ​ഖ് ഖ​ലീ​ഫ ബി​ൻ അ​ഹ്മ​ദ് ആ​ൽ ഖ​ലീ​ഫ​യു​ടെ പ്ര​യ​ത്ന​ങ്ങ​ൾ​ക്കും ഹ​മ​ദ് രാ​ജാ​വ് ന​ന്ദി അ​റി​യി​ച്ചു.

ബി.​ഡി.​എ​ഫി​ന്‍റെ സൗ​ക​ര്യ​ങ്ങ​ളും ആ​യു​ധ​ശേ​ഷി​യും സ​ന്ദ​ർ​ശി​ച്ച ഹ​മ​ദ് രാ​ജാ​വ് ഉ​ന്ന​ത ഉ​ദ്യോ​ഗ​സ്ഥ​രു​മാ​യി കൂ​ടി​ക്കാ​ഴ്ച​യും ന​ട​ത്തി. രാ​ജ്യ​ത്തി​ന​ക​ത്തും പു​റ​ത്തും പ്ര​ശ​സ്തി​യോ​ടെ​യും അ​ർ​പ്പ​ണ​ബോ​ധ​ത്തോ​ടെ​യും ത​ങ്ങ​ളു​ടെ ക​ട​മ നി​ർ​വ​ഹി​ക്കു​ന്ന ബി.​ഡി.​എ​ഫി​ലെ ഉ​ദ്യോ​ഗ​സ്ഥ​ർ​ക്ക് രാ​ജാ​വ് ന​ന്ദി​യും അ​ഭി​ന​ന്ദ​ന​വും അ​റി​യി​ച്ചു. ബി.​ഡി.​എ​ഫ് സ്ഥാ​പി​ക്കു​ന്ന​തി​ൽ അ​ടി​സ്ഥാ​ന​പ​ര​മാ​യ പ​ങ്കു​വ​ഹി​ച്ച​വ​രു​ടെ സം​ഭാ​വ​ന​ക​ളെ അ​ദ്ദേ​ഹം ഈ ​അ​വ​സ​ര​ത്തി​ൽ അ​നു​സ്മ​രി​ച്ചു. മാ​തൃ​രാ​ജ്യ​ത്തെ സം​ര​ക്ഷി​ക്കു​ന്ന​തി​നി​ട​യി​ൽ സ​ഹി​ക്കേ​ണ്ടി വ​ന്ന സൈ​നി​ക​രു​ടെ ത്യാ​ഗ​ങ്ങ​ളെ ഒ​രി​ക്ക​ലും മ​റ​ക്കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. രാ​ജ്യ​ത്തെ സം​ര‍ക്ഷി​ക്കു​ന്ന​തി​ന​പ്പു​റം രാ​ജ്യ​ത്തി​ന്‍റെ വി​ക​സ​ന​ത്തി​നും കാ​ഴ്ച​പ്പാ​ടി​നും അ​നു​സൃ​ത​മാ​യി ന​ൽ​കു​ന്ന സേ​വ​ന​ങ്ങ​ളെ​യും മ​റ്റു രാ​ജ്യ​ങ്ങ​ളു​മാ​യു​ള്ള ബി.​ഡി.​എ​ഫി​ന്‍റെ സ​ഹ​ക​ര​ണ​ത്തെ​യും ഹ​മ​ദ് രാ​ജാ​വ് പ്ര​ശം​സി​ച്ചു.