സ്ത്രീ​ക​ളു​ടെ പ​ദ​വി; ബ​ഹ്‌​റൈ​ൻ 18 സ്ഥാ​ന​ങ്ങ​ൾ മെ​ച്ച​പ്പെ​ടു​ത്തി

മ​നാ​മ: ജെ​ൻ​ഡ​ർ ഇ​ക്വാ​ലി​റ്റി​യും സ്ത്രീ​ക​ളു​ടെ പ​ദ​വി​യും സം​ബ​ന്ധി​ച്ച പു​തി​യ റി​പ്പോ​ർ​ട്ടി​ൽ ബ​ഹ്‌​റൈ​ൻ 18 സ്ഥാ​ന​ങ്ങ​ൾ മെ​ച്ച​പ്പെ​ടു​ത്തി ഗ​ൾ​ഫ് രാ​ജ്യ​ങ്ങ​ളി​ൽ ര​ണ്ടാം സ്ഥാ​ന​ത്തെ​ത്തി. വേ​ൾ​ഡ് ഇ​ക്ക​ണോ​മി​ക് ഫോ​റം പു​റ​ത്തി​റ​ക്കി​യ ഗ്ലോ​ബ​ൽ ജെ​ൻ​ഡ​ർ ഗ്യാ​പ്പ് 2023ലാ​ണ് ബ​ഹ്റൈ​ൻ മെ​ച്ച​പ്പെ​ട്ട സ്ഥാ​നം​നേ​ടി​യ​ത്. 146 രാ​ജ്യ​ങ്ങ​ളെ​യാ​ണ് റി​​പ്പോ​ർ​ട്ട് വി​ല​യി​രു​ത്തി​യ​ത്. സാ​മ്പ​ത്തി​ക അ​വ​സ​ര​ങ്ങ​ൾ, വി​ദ്യാ​ഭ്യാ​സം, ആ​രോ​ഗ്യം, രാ​ഷ്ട്രീ​യ നേ​തൃ​ത്വം എ​ന്നീ മേ​ഖ​ല​ക​ളി​ൽ പു​രു​ഷ​ന്മാ​രും സ്ത്രീ​ക​ളും ത​മ്മി​ലു​ള്ള വി​ട​വ് കു​റ​ക്കു​ന്ന​തി​ന് സ്വീ​ക​രി​ച്ച ന​ട​പ​ടി​ക​ളാ​ണ് വി​ല​യി​രു​ത്തി​യ​ത്.

റി​പ്പോ​ർ​ട്ട​നു​സ​രി​ച്ച് യു.​എ.​ഇ 71ാം സ്ഥാ​ന​ത്തും ബ​ഹ്‌​റൈ​ൻ 113ാം സ്ഥാ​ന​ത്തു​മാ​ണ്, കു​വൈ​ത്ത് (120), സൗ​ദി അ​റേ​ബ്യ (131), ഖ​ത്ത​ർ (133), ഒ​മാ​ൻ (139) എ​ന്നി​ങ്ങ​നെ​യാ​ണ് മ​റ്റു ജി.​സി.​സി രാ​ജ്യ​ങ്ങ​ളു​ടെ റാ​ങ്കി​ങ്. ക​ഴി​ഞ്ഞ​വ​ർ​ഷ​ത്തെ റി​പ്പോ​ർ​ട്ടു​മാ​യി താ​ര​ത​മ്യം ചെ​യ്യു​മ്പോ​ൾ 18 സ്ഥാ​ന​ങ്ങ​ളാ​ണ് ബ​ഹ്റൈ​ൻ മെ​ച്ച​പ്പെ​ടു​ത്തി​യ​ത്. ഇ​ത്ര​യും മെ​ച്ച​പ്പെ​ട്ട ഏ​ക ഗ​ൾ​ഫ് രാ​ജ്യ​മാ​ണ് ബ​ഹ്‌​റൈ​ൻ.

കു​വൈ​ത്ത് 10 സ്ഥാ​ന​ങ്ങ​ളും ഖ​ത്ത​ർ നാ​ലു സ്ഥാ​ന​ങ്ങ​ളും മെ​ച്ച​പ്പെ​ടു​ത്തി. ബ​ഹ്‌​റൈ​ൻ ലിം​ഗ​വ്യ​ത്യാ​സം 66.6 ശ​ത​മാ​നം കു​റ​ച്ച​താ​യും റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്നു. ഈ ​വി​ഷ​യ​ത്തി​ൽ ആ​ഗോ​ള ശ​രാ​ശ​രി 68 ശ​ത​മാ​ന​മാ​ണ്. ബ​ഹ്‌​റൈ​ൻ, കു​വൈ​ത്ത്, ല​ബ​നാ​ൻ എ​ന്നീ രാ​ജ്യ​ങ്ങ​ളി​ൽ സ്ത്രീ​ക​ളു​ടെ പാ​ർ​ല​മെ​ന്റ​റി സ്ഥാ​ന​ങ്ങ​ൾ ഗ​ണ്യ​മാ​യ തോ​തി​ൽ വ​ർ​ധി​ച്ചു. അ​തേ​സ​മ​യം, ഇ​സ്രാ​യേ​ലി​ലും തു​നീ​ഷ്യ​യി​ലും സ്ത്രീ​ക​ളു​ടെ പാ​ർ​ല​മെ​ന്റ​റി പ​ങ്കാ​ളി​ത്ത​ത്തി​ൽ കു​റ​വാ​ണു​ണ്ടാ​യ​ത്. മ​ന്ത്രി​സ്ഥാ​ന​ങ്ങ​ളു​ടെ ക​ണ​ക്ക് പ​രി​ശോ​ധി​ച്ചാ​ൽ തു​നീ​ഷ്യ, ബ​ഹ്‌​റൈ​ൻ, മൊ​റോ​ക്കോ എ​ന്നി​വി​ട​ങ്ങ​ളി​ൽ 20 ശ​ത​മാ​ന​ത്തി​ല​ധി​കം സ്ത്രീ​ക​ളു​ണ്ട്.