അഖണ്ഡത നിലനിര്‍ത്തുന്നതിൽ മാധ്യമങ്ങളുടെ പങ്ക് ഈടുറ്റത്-പാര്‍ലമെൻറ്​ അധ്യക്ഷന്‍ 

മനാമ: രാജ്യ നിര്‍മാണത്തിലും അഖണ്ഡത നിലനിര്‍ത്തുന്നതിലും മാധ്യമങ്ങളൂടെ പങ്ക് ഈടുറ്റതാണെന്ന് പാര്‍ലമ​​െൻറ്​ അധ്യക്ഷന്‍ അഹ്മദ് ബിന്‍ ഇബ്രാഹിം റാഷിദ് അല്‍മുല്ല വ്യക്തമാക്കി. ബഹ്റൈന്‍ മാധ്യമ ദിനത്തോടനുബന്ധിച്ച് നടത്തിയ പ്രത്യേക പ്രസ്​താവനയിലാണ് അദ്ദേഹം ഇക്കാര്യം പറഞ്ഞത്. 
രാജ്യം ഇന്ന് കൈവരിച്ച നേട്ടത്തി​​​െൻറ കാരണം സ്വതന്ത്രമായ പത്ര പ്രവര്‍ത്തനത്തി​​​െൻറ ഇടപെടല്‍ കാരണമാണ്. സംശയ രഹിതവും സത്യസന്ധവുമായ പത്ര പ്രവര്‍ത്തന പാരമ്പര്യമാണ് രാജ്യത്തിനുള്ളത്. മേഖലയില്‍ തന്നെ മാതൃകാപരമായ മാധ്യമ രീതി ആവിഷ്​ഷരിക്കാന്‍ രാജ്യത്തിന് സാധിച്ചിട്ടുണ്ടെന്നത് അഭിമാനകരമാണ് പ്രതിസന്ധികളും പരിഹരിക്കുന്നതിനുള്ള മാര്‍ഗങ്ങളാണ് മാധ്യമങ്ങള്‍ മുന്നോട്ടുവെച്ചത്​. 

രാജ്യത്തോടും ജനതയോടും ഭരണാധികാരികളോടും കൂറും ബഹുമാനവുള്ള മാധ്യമ പ്രവര്‍ത്തകര്‍ എന്നും അഭിമാനമാണെന്നും അദ്ദേഹം ചൂണ്ടിക്കാട്ടി. മാധ്യമ പ്രവര്‍ത്തനത്തിന് സ്വതന്ത്രമായ അന്തരീക്ഷം സൃഷ്​ടിക്കാന്‍ രാജാവ് ഹമദ് ബിന്‍ ഈസ ആല്‍ഖലീഫക്ക് കഴിഞ്ഞിട്ടുണ്ട്. ജനങ്ങളില്‍ ജനാധിപത്യ ബോധവൂം മനുഷ്യാവകാശ അവബോധവൂം വിവിധ വിഷയങ്ങളിലുള്ള കാഴ്ച്ചപ്പാടുകളും രൂപപ്പെടുത്തുവാന്‍ മാധ്യമ പ്രവര്‍ത്തനം വഴി സാധ്യമായിട്ടുണ്ടെന്നും അദ്ദേഹം കൂട്ടിച്ചേര്‍ത്തു.