ജനങ്ങളുടെ സന്തുഷ്​ടിയിൽ ബഹ്​റൈൻ ഏറെമുന്നിൽ

മനാമ: ഏറ്റവും സന്തുഷ്​ടി അനുഭവിക്കുന്ന അറബ്​​ രാജ്യങ്ങളുടെ പട്ടികയിൽ ബഹ്​റൈന്​ നാലാംസ്ഥാനം. ആഗോളതലത്തിൽ 43 ാം സ്ഥാനത്തുമാണ്​ പവിഴദ്വീപ്​. 156 രാജ്യങ്ങളുടെ ജനങ്ങൾക്കിടയിൽ 2015-2017 കാലത്ത്​ നടത്തിയ പഠനത്തെ തുടർന്നാണ്​ ക​ഴിഞ്ഞ ദിവസം റിപ്പോർട്ട്​ പ്രസിദ്ധീകരിച്ചത്​. ജി.സി.സി രാജ്യങ്ങളിൽ ഏറ്റവും സന്തുഷ്​ടിയുള്ള രാജ്യം എന്ന ബഹുമതി യു.എ.ഇക്കാണ്​. ​ ആഗോളതലത്തിൽ  യു.എ.ഇക്ക്​ 20 ാം സ്ഥാനവുമാണ്​. സൗദി അറബ്യേ(33), കുവൈത്ത്​ (45), അൾജീരിയ(84), മൊറോക്ക(85), ലെബനാൻ,(88) ജോർദാൻ(90) എന്നിങ്ങനെയാണ്​ മറ്റ്​ രാജ്യങ്ങളുടെ ലോകതലത്തിലുള്ള സ്ഥാനം. 

ആദ്യമായി ലോക സന്തുഷ്​ടി അവലോകന റിപ്പോർട്ട്​ തയ്യാറാക്കപ്പെട്ടത്​ 2012 ലാണ്​. അടിസ്ഥാന സൗകര്യങ്ങളോടുള്ള സംതൃപ്​തി, പ്രതീക്ഷിക്ക​ുന്ന ജീവിതം, സാമൂഹികമായ പിന്തുണ, അഴിമതി തുടങ്ങിയ ഘടകങ്ങളെ ആസ്​പദമാക്കിയാണ്​ പൂർണ്ണ സന്തോഷത്തി​​​െൻറ മാനദണ്ഡം മുൻവർഷങ്ങളിൽ നിർണ്ണയിച്ചത്​. ഈജിപ്ത് (122), മൗറിതാനിയ (126), സുഡാൻ (137) എന്നീ രാജ്യങ്ങൾ പട്ടികയിൽ ഇടംപിടിച്ചിട്ടുണ്ട്. യുദ്ധം തകർത്തെറിഞ്ഞ പട്ടികയിൽ  സിറിയയും യമനും അവസാന ഭാഗത്താണ്​. ഇവരുടെ സ്ഥാനം യഥാക്രമം 150 ഉം 152 ഉം ആണ്. ആറാമത്​ സ​ന്തോഷ റിപ്പോർട്ടിൽ ഫിൻലാൻറ്​ ആണ്​ ഒന്നാമത്​. 

ഡെൻമാർക്ക്, നോർവെ, ഐസ്​ലാൻഡ്, സ്വിറ്റ്സർലാൻറ്​, നെതർലൻഡ്സ്, കാനഡ, ന്യൂസിലാൻഡ്, സ്വീഡൻ, ആസ്ത്രേലിയ എന്നിവർ യഥാക്രമം മുൻനിരയിലുണ്ട്​. രാജ്യത്തി​​​െൻറ ആകെയുള്ള ജനസംഖ്യയുടെ സന്തോഷം, കുടിയേറ്റക്കാരുടെ തൃപ്​തി, പ്രാദേശിക ജനങ്ങള​ുടെ ജീവിതാഹ്ലാദം എന്നിവയെ ഇഴനാരിഴ പരിശോധിച്ചാണ്​ ആ രാജ്യത്ത്​ പൊതുവായ സന്തോഷമുണ്ടോ എന്ന കാര്യത്തിൽ 2018 ലെ റിപ്പോർട്ടിൽ തീരുമാനത്തിലെത്തിചേർന്നത്​.