കോവിഡിനെ തോൽപിക്കും; ബഹ്​റൈൻ ഒറ്റക്കെട്ടായി

മനാമ: കോവിഡ്​ ​പ്രതിരോധ പ്രവർത്തനങ്ങൾക്കായി റോയൽ ഹ്യൂമാനിറ്റേറിയൻ ഫൗണ്ടേഷൻ ആരംഭിച്ച ‘ഫീന ഖൈർ’(നമ്മളില്‍ നന്മയുണ്ട്) ധനശേഖരണ കാമ്പയിന്​ മികച്ച പ്രതികരണം. വൻകിട കമ്പനികളും സ്​ഥാപനങ്ങളും വ്യക്​തികളും നിധിയിലേക്ക്​ സ ഹായം നൽകുന്നതിന്​ മുന്നോട്ടുവന്നു.

ഹമദ് രാജാവി​​െൻറ ചാരിറ്റി, യുവജന കാര്യങ്ങള്‍ക്കായുള്ള പ്രത്യേക പ്രത ിനിധിയും ദേശീയ പ്രതിരോധ സമിതി ഉപദേഷ്​ടാവുമായ ശൈഖ് നാസിര്‍ ബിന്‍ ഹമദ് ആല്‍ ഖലീഫയാണ്​ 10 ലക്ഷം ദിനാർ സംഭാവന നല്‍കി കാമ്പയിന്​ തുടക്കം കുറിച്ചത്​. വെള്ളിയാഴ്​ച മാത്രം 2.1 കോടി ദിനാറാണ്​ ഇതിലേക്ക്​ സംഭാവനായി ലഭിച്ചത്​.

കോവിഡിനെത്തുടർന്ന്​ സമൂഹമനുഭവിക്കുന്ന സാമ്പത്തിക ബുദ്ധിമുട്ട് പരിഹരിക്കുന്നതിനാണ് ചാരിറ്റി ഫണ്ട് ആരംഭിച്ചിട്ടുള്ളത്. നാഷണൽ ബാങ്ക്​ ഒാഫ്​ ബഹ്​റൈൻ 38 ലക്ഷം ദിനാറും ബാങ്ക്​ ഒാഫ്​ ബഹ്​റൈൻ ആൻഡ്​​ കുവൈത്ത്​ 30 ലക്ഷം ദിനാറും നൽകി. ബറ്റെൽകോ 35 ലക്ഷം ദിനാർ, അലുമിനിയം ബഹ്​റൈൻ (അൽബ) 35 ലക്ഷം ദിനാർ, ഗൾഫ്​ ഇൻറർനാഷണൽ ബാങ്ക്​ 20 ലക്ഷം ദിനാർ, ബഹ്​റൈൻ പൗരൻമാർ 11 ലക്ഷം ദിനാർ, ലുലു ഗ്രൂപ്പ്​ ഇൻറർനാഷണൽ ലക്ഷം ദിനാർ എന്നിങ്ങനെ നിധിയിലേക്ക്​ സംഭാവന നൽകി.

കോവിഡ്​ പ്രതിരോധ പ്രവർത്തനങ്ങളിൽ സർക്കാരിനെ സഹായിക്കാൻ സന്നദ്ധത അറിയിച്ച്​ നിരവധി സ്വകാര്യ സ്​ഥാപനങ്ങളും വ്യക്​തികളും രംഗത്തെത്തിയിരുന്നു. ഇതേത്തുടർന്നാണ്​ ധനശേഖരണ കാമ്പയിൻ ആരംഭിച്ചത്​. ​നിലവിലെ പ്രതിസന്ധിയിൽ രാജ്യത്തോട്​ ചേർന്ന്​ നിൽക്കുന്നതി​​െൻറ ഭാഗമായി ഇൗ ദൗത്യത്തിൽ പങ്ക്​ ​ചേരാൻ ശൈഖ് നാസിര്‍ ബിന്‍ ഹമദ് ആല്‍ ഖലീഫ ത​​െൻറ ഇൻസ്​റ്റഗ്രാം അക്കൗണ്ടിലൂടെ സ്വകാര്യ കമ്പനികളോടും വ്യക്​തികളോടും സ്​ഥാപനങ്ങളോടും ആഹ്വാനം ചെയ്​തു.

www.rco.gov.bh എന്ന വെബ്​സൈറ്റ്​ വഴിയും നാഷണൽ ബാങ്ക്​ ഒാഫ്​ ബഹ്​റൈൻ അക്കൗണ്ടിലേക്ക്​ ബാങ്ക്​ ട്രാൻസ്​ഫർ വഴിയും സംഭാവന നൽകാം. ബാങ്ക്​ അക്കൗണ്ട്​: MOFNE THE NATIONAL EFFORT TO COMBAT THE CORONAVIRUS COVID 19, IBAN: BH66 NBOB 0000 0082 1093 70. ഇതിനുപുറമേ, 39900444 എന്ന നമ്പറിൽ ബെനഫിറ്റ്​ പേ ആപ്പ്​ വഴിയും സംഭാവന നൽകാം.