അറിയേണ്ടതെല്ലാം വിവരിച്ച്​ കിഡ്​നി എക്​സിബിഷൻ

മനാമ: ‘തണൽ’ ബഹ്​റൈൻ ചാപ്​റ്റർ ഇന്ത്യൻ സ്‌കൂൾ ഈസടൗൺ കാമ്പസിൽ നടത്തി വരുന്ന കിഡ്​നി കെയർ എക്​സിബിഷനിൽ നിരവധി പേരെത്തി. അവധി ദിവസമായ ഇന്നലെ എത്തിയവരിൽ 3,000 പേർ പരിശോധന നടത്തി. ഇതിൽ 100ഒാളം പേർക്ക്​ കിഡ്​നി സംബന്ധമായ അസുഖമുള്ളതായി വ്യക്​തമായി. ഇതിൽ തന്നെ 20ഒാളം പേർ ഗുരുതരമായി രോഗം ബാധിച്ചവ​രാണെന്ന്​ കണ്ടെത്തിയിട്ടുണ്ട്​. വ്യാഴാഴ്​ചയാണ്​ എക്​സിബഷൻ തുടങ്ങിയത്​. ആദ്യ ദിവസം ഇന്ത്യൻ സ്​കൂളിൽ 124പേർ പരിശോധന നടത്തിയിരുന്നു. പത്ത് പവലിയനുകളിലായി എക്സിബിഷനും ബോധവത്​കരണ ക്ലാസുകളും കിഡ്‌നി പ്രവർത്തനം നിർണയിക്കാനുള്ള പരിശോധനകളുമാണ്​ നടക്കുന്നത്. ഇന്നലെ നടന്ന ചോദ്യോത്തര വേളയിൽ ഡോക്​ടർമാർ സംശയങ്ങൾക്ക്​ മറുപടി പറഞ്ഞു.

കിഡ്​നി സംബന്ധമായ അസുഖം വരാതിരിക്കാനുള്ള മുൻകരുതലുകൾ, രോഗം തിരിച്ചറിയാനുള്ള മാർഗങ്ങൾ, രോഗം വന്നാൽ സ്വീകരിക്കേണ്ട കാര്യങ്ങൾ, ചികിത്സ രീതികൾ തുടങ്ങിയ കാര്യങ്ങളാണ്​ പ്രവാസികൾ സംശയങ്ങളായി ഉന്നയിച്ചത്​.കിഡ്​നിയുടെ പ്രവർത്തനം വിശദീകരിക്കുന്നത്​ മുതൽ ഡയാലിസി​സി​​െൻറയും കിഡ്​നി മാറ്റിവെക്കുന്നതി​​​െൻറയും വരെ കാര്യങ്ങൾ വ്യക്​തമാക്കുന്ന രീതിയിലാണ്​ പ്രദർശനം സംഘടിപ്പിച്ചത്​. പലരും കുടുംബമായാണ്​ പ്രദർശനത്തിനെത്തിയത്​. കഴിഞ്ഞ ദിവസം നടന്ന ചടങ്ങിൽ സുപ്രീം കൗൺസിൽ ഓഫ് ഹെൽത്ത് ചെയർമാൻ ലഫ്​. ജനറൽ ഡോ.ശൈഖ്​ മുഹമ്മദ്​ ബിൻ അബ്​ദുല്ല ആൽ ഖലീഫയാണ്​ ഉദ്ഘാടനം നിർവഹിച്ചത്​.

ചടങ്ങിൽ ആരോഗ്യ മന്ത്രാലയം അണ്ടർ സെക്രട്ടറി ഡോ. അയിശ മുബാറക് ബുഉനുഖ്​ മുഖ്യാതിഥിയായിരുന്നു. കോഴിക്കോട് മെഡിക്കൽ കോളജ് നെഫ്രോളജി വിഭാഗം മേധാവി ഡോ. എം. ശ്രീലത, മിംസ് ആശുപത്രി നെഫ്രോളജി വിദഗ്ദൻ ഡോ. ഫിറോസ് അസീസ്, ‘തണൽ’ ചെയർമാൻ ഡോ. ഇദ്​രിസ് എന്നിവരാണ്​ എക്​സിബിഷന്​ നേതൃത്വം നൽകുന്നത്. ‘തണൽ’ ബഹ്​റൈൻ ചാപ്​റ്ററി​​​െൻറ നിരവധി വളണ്ടിയർമാരും വിവിധ സംഘടന ​പ്രവർത്തകരും പരിപാടിയിൽ സജീവമാണ്. എക്​സിബിഷനും പരിശോധനയും ഇന്ന്​ സമാപിക്കും. നേരത്തെ രജിസ്​ട്രേഷൻ പൂർത്തിയാകാത്തവർക്ക്​ എക്സിബിഷൻ നടക്കുന്ന സ്​ഥലത്തെത്തി രജിസ്​റ്റർ ചെയ്യാം. ഗതാഗത സൗകര്യത്തിനായി എ.സിഎ ബക്കറുമായി (39593703) ബന്ധപ്പെടാം.