രാ​ജ്യ​ത്തെ സ​മ്പ​ദ് വ്യ​വ​സ്ഥ​യു​ടെ 85 ശ​ത​മാ​ന​വും എ​ണ്ണ​യി​ത​ര വ്യ​വ​സാ​യ​ത്തി​ൽ നി​ന്ന്

മ​നാ​മ: ബ​ഹ്റൈ​ൻ സ​മ്പ​ദ് വ്യ​വ​സ്ഥ​യു​ടെ 85 ശ​ത​മാ​ന​വും എ​ണ്ണ​യി​ത​ര വ്യ​വ​സാ​യ​ത്തി​ൽ​നി​ന്നെ​ന്ന് വി​ല​യി​രു​ത്ത​ൽ. നാ​ഷ​ന​ൽ ആ​ക്ഷ​ൻ ചാ​ർ​ട്ട​ർ 24ന്‍റെ നി​റ​വി​ലെ​ത്തി നി​ൽ​ക്കു​മ്പോ​ൾ പ​ദ്ധ​തി രാ​ജ്യ​ത്തി​ന് ന​ൽ​കി​യ പ്ര​ധാ​ന നേ​ട്ട​മാ​യാ​ണ് ഇ​തി​നെ കാ​ണു​ന്ന​ത്. പ​ദ്ധ​തി പ്ര​ഖ്യാ​പി​ച്ച​ത് മു​ത​ൽ രാ​ജ്യം എ​ണ്ണ​യി​ത​ര വ്യ​വ​സാ​യ​മേ​ഖ​ല​യു​ടെ ഉ​യ​ർ​ച്ച​ക്കാ​യും സാ​മ്പ​ത്തി​ക നേ​ട്ടം അ​ധി​ക​രി​പ്പി​ക്കാ​നു​മു​ള്ള ശ്ര​മ​ത്തി​ലാ​യി​രു​ന്നു. രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ ദീ​ർ​ഘ​വീ​ക്ഷ​ണ​ത്തി​ന്‍റെ പ്ര​തി​ഫ​ല​ന​മെ​ന്നോ​ണം രാ​ജ്യം വ്യാ​പി​പ്പി​ച്ചു​കൊ​ണ്ടി​രി​ക്കു​ന്ന വ്യ​ത്യ​സ്ത വ്യ​വ​സാ​യ​ങ്ങ​ൾ രാ​ജ്യ​ത്തെ വ​ള​ർ​ച്ച​യി​ലേ​ക്ക് ന​യി​ക്കു​ക​യാ​ണ്. ടൂ​റി​സം, സാ​മ്പ​ത്തി​ക സേ​വ​ന​ങ്ങ​ൾ ഉ​യ​ർ​ത്ത​ൽ, വ്യ​വ​സാ​യം എ​ന്നി​വ​യി​ലേ​ക്ക് രാ​ജ്യ താ​ൽ​പ​ര്യം മാ​റ്റി​ത്തു​ട​ങ്ങി​യ​ത് 2001ന് ​നാ​ഷ​ന​ൽ ആ​ക്ഷ​ൻ ചാ​ർ​ട്ട​റി​ന്‍റെ പ്ര​ഖ്യാ​പ​ന​ത്തോ​ടെ​യാ​ണ്. ഇ​ത്ത​രം സു​പ്ര​ധാ​ന വ്യ​വ​സാ​യ​ങ്ങ​ളെ പി​ന്തു​ണ​ക്കു​ന്ന​തി​ലൂ​ടെ സ​മ്പ​ദ് വ്യ​വ​സ്ഥ​യെ കെ​ട്ടി​പ്പ​ടു​ക്കു​ക എ​ന്ന​താ​ണ് രാ​ജ്യം ല‍ക്ഷ്യ​മി​ട്ട​ത്.

ജി.​ഡി.​പി ക​ണ​ക്കു പ്ര​കാ​രം രാ​ജ്യ​ത്തെ സാ​മ്പ​ത്തി​ക മേ​ഖ​ല​ക്ക് എ​ണ്ണ ക​ഴി​ഞ്ഞാ​ൽ ഏ​റ്റ​വും അ​ധി​കം സം​ഭാ​വ​ന ന​ൽ​കു​ന്ന​ത് ഉ​ൽ​പാ​ദ​ന​ത്തി​ൽ​നി​ന്നാ​ണ്. അ​തി​ൽ അ​ലു​മി​നി​യ​ത്തി​ന്‍റെ പ​ങ്കാ​ണ് പ്ര​ധാ​നം. 2024ന്‍റെ ആ​ദ്യ പാ​ദ​ത്തി​ൽ ജി.​ഡി.​പി​യു​ടെ 21.01 ശ​ത​മാ​നം സം​ഭാ​വ​ന ഉ​ൽ​പാ​ദ​ന മേ​ഖ​ല​യി​ൽ​നി​ന്നാ​യി​രു​ന്നു. എ​ന്നാ​ൽ, ര​ണ്ടാം പാ​ദ​ത്തി​ൽ അ​ത് 18.93 ആ​യി കു​റ​ഞ്ഞു.

എ​ന്നാ​ൽ, നി​ല​വി​ൽ 20.08 ശ​ത​മാ​ന​മാ​യി ഉ​യ​ർ​ന്നി​ട്ടു​ണ്ട്. ജി.​ഡി.​പി​യു​ടെ 20.8 ശ​ത​മാ​ന​മാ​ണ് എ​ണ്ണ‍യി​ൽ​നി​ന്ന് രാ​ജ്യം നേ​ടു​ന്ന​ത്. 16.7 ശ​ത​മാ​ന​ത്തി​ന്‍റെ മാ​ത്രം വ​ള​ർ​ച്ച ധ​ന​കാ​ര്യ സ്ഥാ​പ​ന​ങ്ങ​ളി​ൽ​നി​ന്നോ അ​തു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന മേ​ഖ​ല​ക​ളി​ൽ​നി​ന്നോ ആ​ണ്. രാ​ജ്യ​ത്ത് നി​ല​വി​ൽ 406 ധ​ന​കാ​ര്യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. ബാ​ങ്കി​ങ് മേ​ഖ​ല​യി​ൽ ഇ​സ്‍ലാ​മി​ക് ഫൈ​നാ​ൻ​സ് ആ​ധാ​ര​മാ​ക്കി പ്ര​വ​ർ​ത്തി​ക്കു​ന്ന​തി​ൽ ഗ​ൾ​ഫ് മേ​ഖ​ല​യി​ൽ ബ​ഹ്റൈ​ൻ ത​ങ്ങ​ളു​ടെ മു​ദ്ര പ​തി​പ്പി​ച്ചി​ട്ടു​ണ്ട്.

നി​വ​ലി​ൽ രാ​ജ്യം പ​ര​മ്പ​രാ​ഗ​ത ബാ​ങ്കു​ക​ളു​ടെ​യും ഇ​സ്‍ലാ​മി​ക് ബാ​ങ്കു​ക​ളു​ടെ​യും ഇ​ൻ​ഷു​റ​ൻ​സ് സ്ഥാ​പ​ന​ങ്ങ​ളു​ടെ​യും പ്ര​ധാ​ന കേ​ന്ദ്ര​ങ്ങ​ളി​ലൊ​ന്നാ​ണ്. ഉ​ൽ​പാ​ദ​ന മേ​ഖ​ല 14.5 ശ​ത​മാ​ന​വും, ഗ​താ​ഗ​ത, ആ​ശ​യ​വി​നി​മ​യ മേ​ഖ​ല 6.8 ശ​ത​മാ​ന​വും, നി​ർ​മാ​ണ മേ​ഖ​ല 6.6 ഉം, ​റി​യ​ൽ എ​സ്റ്റേ​റ്റ് 4.1, ഹോ​ട്ട​ൽ ആ​ൻ​ഡ് റ​സ്റ്റാ​റ​ന്‍റ് വ​ഴി 2.4 ശ​ത​മാ​ന​വു​മാ​ണ് രാ​ജ്യ​ത്തി​ന് ന​ൽ​കു​ന്ന എ​ണ്ണ​യി​ത​ര സം​ഭാ​വ​ന​ക​ൾ. മ​റ്റു സേ​വ​ന വ്യ​വ​സാ​യ​ങ്ങ​ൾ 18.7 ശ​ത​മാ​ന​മാ​ണ് ന​ൽ​കു​ന്ന​ത്. പ്ര​തി​വ​ർ​ഷം ശ​രാ​ശ​രി അ​ഞ്ച് ശ​ത​മാ​ന​മാ​ണ് സാ​മ്പ​ത്തി​ക വ​ള​ർ​ച്ച.

എ​ണ്ണ​യി​ത​ര വ്യ​വ​സാ​യ​മാ​ണ് നി​ല​വി​ൽ രാ​ജ്യ​ത്തി​ന്‍റെ ന​ട്ടെ​ല്ലാ​യി പ്ര​വ​ർ​ത്തി​ക്കു​ന്ന​തെ​ന്ന് സു​സ്ഥി​ര വി​ക​സ​ന മ​ന്ത്രി​യും സാ​മ്പ​ത്തി​ക വി​ക​സ​ന ബോ​ർ​ഡ് ചീ​ഫ് എ​ക്സി​ക്യു​ട്ടി​വു​മാ​യ നൂ​ർ അ​ൽ ഖു​ലൈ​ഫ് ദാ​വോ​സ് ഫോ​റ​ത്തി​ൽ സം​സാ​രി​ക്ക​വെ പ​റ​ഞ്ഞി​രു​ന്നു. എ​ണ്ണ​ക്ക് പു​റ​മേ, ഉ​ൽ​പാ​ദ​ന മേ​ഖ​ല രാ​ജ്യ​ത്തി​നു ന​ൽ​കു​ന്ന സം​ഭാ​വ​ന​യും അ​തി​ൽ അ​ലു​മി​നി​യം വ​ഹി​ക്കു​ന്ന പ​ങ്കും അ​ദ്ദേ​ഹം ചൂ​ണ്ടി​ക്കാ​ട്ടി.