ബഹ്റൈൻ ദേശീയ ദിനാഘോഷം : കെ.എം.സി.സി സമൂഹ രക്തദാനക്യാമ്പ് സംഘടിപ്പിക്കും
text_fieldsമനാമ: ബഹ്റൈൻ ദേശീയ ദിനാഘോഷത്തിെൻറ ഭാഗമായി ബഹ്റൈൻ കെ.എം.സി.സി ദ്വിദിന രക്തദാന ക്യാമ്പുകൾ സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. 30ാമത് സമൂഹ രക്തദാനം വെള്ളിയാഴ്ച രാവിലെ ഏഴു മുതല് ഉച്ചക്ക് 12 വരെ സല്മാനിയ്യ മെഡിക്കല് സെൻററിലും 31ാം രക്തദാനം ശനിയാഴ്ച ഉച്ചക്ക് രണ്ടുമുതൽ അഞ്ചുവരെ ബഹ്റൈൻ ഡിഫൻസ് ഹോസ്പിറ്റലിലും നടക്കും. ബഹ്റൈനിലെ ആരോഗ്യമന്ത്രാലയ പ്രതിനിധികള് ഉൾപ്പെടെ പ്രമുഖര് ക്യാമ്പ് സന്ദര്ശിക്കും. മിഡിൽ ഈസ്റ്റിലെ പ്രമുഖ ഭക്ഷണ സ്ഥാപനമായ ‘ടീ ടൈമി’െൻറ സഹകരണത്തോടെയാണ് ഇത്തവണത്തെ രക്തദാന ക്യാമ്പ് നടക്കുന്നത്. ക്യാമ്പിെൻറ വിജയത്തിനായി വിവിധ കമ്മിറ്റികള് രൂപവത്കരിച്ചിട്ടുണ്ടെന്നും സംഘാടകര് അറിയിച്ചു. ‘സുരക്ഷിത രക്തം എല്ലാവര്ക്കും’ എന്നതാണ് ഈ വര്ഷത്തെ ലോക രക്തദാന സന്ദേശം. സമൂഹ രക്തദാനത്തിെൻറ പ്രാധാന്യത്തെക്കുറിച്ച് വ്യാപക സന്ദേശം ജനങ്ങളില് എത്തിക്കാന് കഴിഞ്ഞുവെന്നതാണ് ‘ജീവസ്പര്ശം’ എന്നപേരില് കെ.എം.സി.സി നിരവധി വര്ഷങ്ങളായി നടത്തിവരുന്ന രക്തദാന ക്യാമ്പിെൻറ സവിശേഷത. 2009ലാണ് കെ.എം.സി.സി രക്തദാന പദ്ധതി ആരംഭിച്ചത്. ഇതിനകം 4,300ഒാളം പേരാണ് ‘ജീവസ്പര്ശം’ ക്യാമ്പ് വഴി രക്തദാനം നടത്തിയത്.
കൂടാതെ, അടിയന്തര ഘട്ടങ്ങളില് രക്തദാനം നടത്തുന്നതിനായി 24 മണിക്കൂറും പ്രവര്ത്തിക്കുന്ന രക്തദാന ഡയറക്ടറിയുടെ സേവനവും ലഭ്യമാണ്. രക്തദാന സേവനത്തിനു മാത്രമായി www.jeevasparsham.com എന്ന വെബ്സൈറ്റും ബ്ലഡ്ബുക്ക് എന്നപേരില് പ്രത്യേകം ആപ്പും ആരംഭിച്ചിട്ടുണ്ട്. മികച്ച രക്തദാന പ്രവര്ത്തനത്തിന് ബഹ്റൈന് ആരോഗ്യ മന്ത്രിയുടെ പ്രത്യേക അവാർഡ്, ബഹ്റൈൻ പ്രതിരോധ മന്ത്രാലയം ഹോസ്പിറ്റൽ അവാർഡ്, ബഹ്റൈൻ കിങ് ഹമദ് യൂനിവേഴ്സിറ്റി ഹോസ്പിറ്റൽ അവാർഡ്, ഇന്ത്യൻ എംബസിയുടെയും അനുമോദനങ്ങൾ തുടങ്ങി നിരവധി അംഗീകാരങ്ങള് ഇതിനകം കെ.എം.സി.സിക്ക് ലഭിച്ചതായും അവർ പറഞ്ഞു. ക്യാമ്പില് പങ്കെടുക്കാന് ആഗ്രഹിക്കുന്നവര് 34593132, 33210288, 39881099, 39841984 എന്നീ േഫാൺ നമ്പറുകളിലും വാഹനസൗകര്യം ആവശ്യമുള്ളവര് 39903647, 33210288 എന്നീ നമ്പറുകളിലും ബന്ധപ്പെടണമെന്ന് സംഘാടകര് അറിയിച്ചു. ശാഫി പാറക്കട്ട (വൈസ്, പ്രസിഡൻറ് കെ.എം.സി.സി), കെ.കെ.സി മുനീർ (ചെയര്മാന്, ജീവസ്പര്ശം), എ.പി. ഫൈസല് (ജന. കണ്വീനര്, ജീവ സ്പര്ശം), ഫൈസല് കോട്ടപ്പള്ളി (കണ്വീനര്, ജീവസ്പര്ശം), ശിഹാബ് പ്ലസ് (മീഡിയ ചെയര്മാന് ജീവസ്പര്ശം), അഷ്റഫ് മഞ്ചേശ്വരം, ക്യാമ്പ് ഡയറക്ടർ, കൺവീനർമാരായ ഒ.കെ. കാസിം, മാസിൽ പട്ടാമ്പി, ഹാരിസ് തൃത്താല, ടീ ടൈം ഡയറക്ടർമാരായ അഷ്റഫ് മായഞ്ചേരി, മുഹമ്മദ് എം. പേരാമ്പ്ര തുടങ്ങിയവർ വാർത്തസമ്മേളനത്തിൽ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.