ബഹ്റൈനില്‍ നിര്യാതനായി

മനാമ: ബഹ്റൈനിലെ സാമൂഹിക രംഗങ്ങളില്‍ സജീവമായിരുന്ന തിരുവല്ല കുറ്റൂര്‍ സ്വദേശി എ.വി.സുനില്‍ കുമാര്‍ (43) ഹൃദയാഘാതത്തെ തുടർന്ന്​ നിര്യാതനായി. ഗുദൈബിയയിലെ താമസ സ്ഥലത്ത് വെച്ചായിരുന്നു മരണം.

പുലര്‍ച്ചെ രണ്ടു മണിയോടെ ശ്വാസം മുട്ടല്‍ അനുഭവപ്പെട്ടതിനെ തുടന്ന് ഭാര്യ സ്മിത അയല്‍ വാസികളെ വിവരമറിയിച്ച്​ പ്രാഥമിക ചികിത്സ നല്‍കിയെങ്കിലും ജീവന്‍ രക്ഷിക്കാനായില്ല. 

15 വര്‍ഷമായി കെ.എഫ്.സിയുടെ എയര്‍ കണ്ടീഷന്‍ വിഭാഗത്തില്‍ ജോലി ചെയ്തു വരികയായിരുന്നു. അശ്വതി ഭവനില്‍ വിശ്വനാഥന്‍ പിള്ളയാണ്​പിതാവ്. ഇന്ത്യന്‍ സ്കൂള്‍ ഏഴാം ക്ളാസ് വിദ്യാര്‍ഥി സൂരജ് , എല്‍.കെ.ജി വിദ്യാര്‍ഥിനി സ്വാതി എന്നിവര്‍ മക്കളാണ്. മൃതദേഹം നാട്ടിലത്തെിച്ച് സംസ്കരിക്കും.