കോവിഡ്​ -19 വാക്​സിൻ: ബഹ്​റൈനിൽ പരീക്ഷണം മൂന്ന്​ ഘട്ടങ്ങളിലായി

മനാമ: ബഹ്​റൈനിൽ കോവിഡ് -19 വാക്​സി​െൻറ​ ക്ലിനിക്കൽ പരീക്ഷണം നടത്തുന്നത്​ മൂന്ന്​ ഘട്ടങ്ങളിലായി. ആദ്യ ഘട്ടത്തിൽ വാക്​സി​െൻറ ഫലപ്രാപ്​തി ഉറപ്പ്​ വരുത്തും. രണ്ടാം ഘട്ടത്തിൽ, വൈറസിനെതിരെ ശരീരം പ്രതികരിക്കുന്നുവെന്ന്​ ഉറപ്പാക്കാൻ പഠനം വ്യാപിപ്പിക്കും. മൂന്നാം ഘട്ടത്തിൽ നിശ്​ചിത മാനദ്​ണ്​ഡം അനുസരിച്ചുള്ള ആളുകളിൽ വാക്​സിൻ​ പരീക്ഷിക്കും. പ്രായം, ശാരീരിക ആരോഗ്യം എന്നിവ പരിഗണിച്ചാണ്​ ആളുകളെ തെരഞ്ഞെടുക്കുന്നത്​.

ലോകാരോഗ്യ സംഘടന അംഗീകരിച്ച കോവിഡ്​ -19 വാക്​സി​െൻറ മൂന്നാം ഘട്ട ക്ലിനിക്കൽ പരീക്ഷണമാണ്​ ബഹ്​റൈനിൽ നടത്തുന്നത്​. ലോകത്തിലെ ഏറ്റവും വലിയ ആറാമത്തെ മരുന്ന്​ നിർമാണ കമ്പനിയായ സിനോഫാം സി.എൻ.ബി.ജി ഉൽപാദിപ്പിച്ച ഇൗ വാക്​സിൻ​ യു.എ.ഇക്ക്​ പിന്നാലെയാണ്​ ബഹ്​റൈനിലും ക്ലിനിക്കൽ പരീക്ഷണത്തിന്​ എത്തുന്നത്​.

യു.എ.ഇയിലെ നിർമിത ബുദ്ധി കമ്പനിയായ ജി.42 ഹെൽത്​കെയറുമായി സഹകരിച്ചാണ്​ പരീക്ഷണം നടത്തുന്നതെന്ന്​ ആരോഗ്യ മന്ത്രാലയത്തിലെ പബ്ലിക്​ ഹെൽത്ത്​ അസി. അണ്ടർ സെക്രട്ടറി ഡോ. മർയം അൽ ഹാജ്​രി പറഞ്ഞു. സ്വദേശികളും പ്രവാസികളും അടങ്ങുന്ന 6000 ഒാളം പേരാണ്​ പരീക്ഷണത്തിന്​ തയ്യാറായി രംഗത്തുവന്നിട്ടുള്ളത്​.

നാഷണൽ ഹെൽത്ത്​ റഗുലേറ്ററി അതോറിറ്റിയുടെ അംഗീകാരത്തോടെ നടക്കുന്ന മൂന്നാം ഘട്ട ക്ലിനിക്കൽ പരീക്ഷണം 12 മാസം നീണ്ടുനിൽക്കും. ചൈനയിൽ നടത്തിയ ഒന്നും രണ്ടും ഘട്ട പരീക്ഷണങ്ങളിൽ വാക്​സിൻ​ വിജയമാണെന്ന്​ കണ്ടെത്തിയിരുന്നു. 18 വയസിന്​ മുകളിലുള്ള, മറ്റ്​ ആരോഗ്യ പ്രശ്​നങ്ങൾ ഒന്നും ഇല്ലാത്തവരിലാണ്​ പരീക്ഷണം നടത്തുന്നത്​.

4 ഹ്യൂമാനിറ്റി കാമ്പയി​െൻറ ഭാഗമായി കുടുതൽ പേർക്ക്​ പങ്കാളികളാകാൻ അവസരം നൽകുന്നതിനും വിപുലമായ പഠനത്തിനും നിരവധി കേന്ദ്രങ്ങൾ തുറക്കാൻ പദ്ധതിയിട്ടിരുന്നതായി ജി 42 ഹെൽത്​കെയർ സി.ഇ.ഒ ആശിഷ്​ കോശി പറഞ്ഞു. വാക്​സിൻ​ പരീക്ഷണത്തിന്​ ബഹ്​റൈൻ അധികൃതരുടെ ഭാഗത്തുനിന്ന്​ മികച്ച പ്രതികരണമാണ്​ ലഭിച്ചതെന്നും പരീക്ഷണത്തിൽ പങ്കാളികളാകാൻ ആളുകൾക്ക്​ പ്രോൽസാഹനം നൽകിയതായും അദ്ദേഹം ചൂണ്ടിക്കാട്ടി.

ഗുരുതരമായ പാർശ്വ ഫലങ്ങൾ ഒന്നുമില്ലാതെയാണ്​ ക്ലിനിക്കൽ പരീക്ഷണത്തി​െൻറ ഒന്നും രണ്ടും ഘട്ടങ്ങൾ വിജയകരമായി പൂർത്തിയാക്കിയത്​. ചൈനയിൽ പരീക്ഷണത്തിൽ പ​െങ്കടുത്ത 100 ശതമാനം ആളുകളിലും വാക്​സിൻ സ്വീകരിച്ച്​ രണ്ട്​ ദിവസത്തിനകം ആൻറിബോഡി ഉൽപാദിപ്പിക്കപ്പെട്ടു. ജുലൈ അവസാനം തുടങ്ങിയ പരീക്ഷണത്തിൽ 100 രാജ്യങ്ങളിലെ 10000ഒാളം പേരാണ്​ ഇതുവരെ പ​െങ്കടുത്തത്​.