ജിബൂട്ടിയിലെ തീവ്രവാദ ആക്രമണത്തെ ബഹ്റൈൻ അപലപിച്ചു

മനാമ: ജിബൂട്ടിയിൽ സൈനിക വ്യൂഹത്തിന് നേരെയുണ്ടായ തീവ്രവാദ ആക്രമണത്തെ ബഹ്റൈൻ ശക്തമായി അപലപിച്ചു.സംഭവത്തിൽ ഏതാനും സൈനികർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തിട്ടുണ്ട്. കൊല്ലപ്പെട്ടവർക്കായി അനുശോചനം അറിയിക്കുകയും പരിക്കേറ്റവർ വേഗത്തിൽ സുഖം പ്രാപിക്കട്ടെയെന്ന് ആശംസിക്കുകയും ചെയ്തു.

എല്ലാത്തരം തീവ്രവാദ പ്രവർത്തനങ്ങളെയും തള്ളിക്കളയുന്നതായും ആക്രമണങ്ങൾക്കെതിരെ ശക്തമായ നടപടി സ്വീകരിക്കുന്നതിന് ജിബൂട്ടി സർക്കാരിന് പിന്തുണ പ്രഖ്യാപിക്കുകയും ചെയ്യുന്നതായി വിദേശകാര്യ മന്ത്രാലയം പ്രസ്താവനയിൽ പറഞ്ഞു.