സെന്‍റ് ഗ്രിഗോറിയസ് ക്നാനായ പള്ളി  വലിയ പെരുന്നാളിന് കൊടിയിറങ്ങി

മനാമ: സെന്‍റ് ഗ്രിഗോറിയസ് ക്നാനായ പള്ളി വലിയ പെരുന്നാളിന് കൊടിയിറങ്ങി. വചന ശുശ്രൂഷകള്‍ക്ക് സഹോദര ദേവാലയങ്ങളിലെ വികാരിമാരായ ഫാ.എല്‍ദോസ് സകറിയ, ഫാ.ജോര്‍ജ് യോഹന്നാന്‍, ഫാ.റെജി പി. എബ്രഹാം എന്നിവര്‍ നേതൃത്വം നല്‍കി. 
പ്രധാന ദിനമായ വെള്ളിയാഴ്ച രാവിലെ ഇന്ത്യന്‍ സ്കൂള്‍ ഓഡിറ്റോറിയത്തില്‍ ഇടവക വികാരി ഫാ.ടിനോ തോമസിന്‍െറ നേതൃത്വത്തില്‍ വിശുദ്ധ കുര്‍ബാനയും സെന്‍റ് പീറ്റേഴ്സ് യാക്കോബായ പള്ളി വികാരി ഫാ.എല്‍ദോസ് സകറിയയുടെ കാര്‍മികത്വത്തില്‍ പെരുന്നാള്‍ റാസയും നടന്നു. 
സെന്‍റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രല്‍ വികാരി ഫാ.എം.ബി.ജോര്‍ജ്, സഹ വികാരി ഫാ.ജോഷ്വ എബ്രഹാം, ഇന്ത്യന്‍ സ്കൂള്‍ സെക്രട്ടറി ഡോ. ഷെമിലി പി.ജോണ്‍, സെന്‍റ് ഗ്രിഗോറിയസ് ഓര്‍ത്തഡോക്സ് സൊസൈറ്റി സെക്രട്ടറി മോനി കല്ലംപറമ്പില്‍, ജോര്‍ജ് മാത്യു തുടങ്ങിയവര്‍ പങ്കെടുത്തു. ആദ്യഫലപ്പെരുന്നാളില്‍ ഇടവക അംഗങ്ങളുടെ സജീവ സാന്നിധ്യം പ്രകടമായി. തുടര്‍ന്ന് കൊടിയിറക്കം നടന്നു.