ബഹ്റൈനും ബ്രിട്ടനും തമ്മിലുള്ള സഹകരണം കൂടുതല്‍ കരുത്തോടെ തുടരും- കിരീടാവകാശി 

മനാമ: ബഹ്റൈനും ബ്രിട്ടനും തമ്മിലുള്ള സഹകരണം കൂടുതല്‍ കരുത്തോടെ തുടരുന്നതില്‍ സന്തോഷമുണ്ടെന്ന് കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ വ്യക്തമാക്കി. റിഫ പാലസില്‍ ബഹ്റൈനിലെ ബ്രിട്ടീഷ് അംബാസഡര്‍ സൈമണ്‍ മാര്‍ട്ടിനെ സ്വീകരിച്ച് സംസാരിക്കുകയായിരുന്നു അദ്ദേഹം. ഇരുരാജ്യങ്ങളും തമ്മില്‍  നിലനില്‍ക്കുന്ന ബന്ധവും വിവിധ മേഖലകളിലെ സഹകരണവും വിലയിരുത്തുകയും സഹകരണം വ്യാപിപ്പിക്കുന്നതി​​​െൻറ സാധ്യതകള്‍ ആരായുകയും ചെയ്​തു. ബ്രിട്ടനുമായുള്ള സഹകരണം മേഖലക്ക് കരുത്ത് പകരുന ഒന്നാണെന്ന് പ്രിന്‍സ് സല്‍മാന്‍ കൂട്ടിച്ചേര്‍ത്തു.