മഹാരാഷ്​ട്ര സ്വദേശി തട്ടിയെടുത്ത കാർ മലയാളിക്ക്​ തിരിച്ചുകിട്ടി

മനാമ: വിൽപ്പനക്കിട്ടിരുന്ന കാർ വാങ്ങാൻ എന്ന പേരിൽ എത്തി കാറുമായി കടന്ന സംഭവത്തിൽ കാർ ഉടമക്ക്​ തിരിച്ചുകിട്ടി. നാടകീയമായ സംഭവങ്ങൾക്ക്​ ശേഷമാണ്​ കാർ തിരികെ ലഭിച്ചത്​.മഹാരാഷ്​ട്ര സ്വദേശി ഒാടിക്കാൻ വാങ്ങിയശേഷം കാറുമായി മുങ്ങിയതായി പരാതിയുയർന്നത്​ ആഗസ്​റ്റ്​ 28 നായിരുന്നു. ഇതിനെ തുടർന്ന്​ പോലീസിൽ പരാതി നൽകുകയും അതി​​​െൻറ ഭാഗമായ അന്വേഷണം നടക്കുകയുമായിരുന്നു. ഇതിനിടെ ഇന്നലെ മഹാരാഷ്​ട്ര സ്വദേശി കാറുമായി റഫയിലെ ഒരു മലയാളിയുടെ കടയിൽ എത്തുകയും അവിടെയും മറ്റൊരു തട്ടിപ്പ്​ നടത്തുകയും ചെയ്​തു. 160 ദിനാർ നൽകിയാൽ ഒരു ​ഫോൺ കമ്പനിയിൽ ഡൗൺ പേയ്​മ​​െൻറ്​ നൽകിയശേഷം പ​ുതിയ ​​െഎഫോൺ വാങ്ങി വന്ന്​ കടക്കാരന്​ വിലകുറച്ച്​ നൽകാം എന്നായിരുന്നു വാഗ്​ധാനം.

തവണ അടിസ്ഥാനത്തിൽ ഫോൺ നൽകുന്ന പദ്ധതി ​പ്രമുഖ ഫോൺ കമ്പനിക്ക്​ ഉള്ളതിനാൽ കടക്കാരും ഇയ്യാളുടെ വാക്കുകൾ വിശ്വാസിച്ചു. ​െഎ ഫോൺ വാങ്ങിവരുന്നതുവരെ ത​​​െൻറ കാറും താക്കോലും കടക്കാരെ സൂക്ഷിക്കാൻ ഏൽപ്പിച്ചാണ്​ ഹിന്ദിക്കാരൻ പോയത്​. എന്നാൽ മണിക്കൂറുകൾ കഴിഞ്ഞിട്ടും ഇയ്യാളെ കുറിച്ച്​ വിവരം ലഭിക്കാത്തതിനാൽ കടയിലെ ജീവനക്കാർ ഇൗസ്​റ്റ്​ ​റഫ പോലീസ്​ സ്​റ്റേഷനിൽ വിവരം അറിയിച്ചു. പോലീസുകാർ സ്ഥലത്തെത്തി അന്വേഷിച്ച​േപ്പാഴാണ്​ കാർ, അടുത്തിടെ മോഷണം പോയതാണെന്ന്​ വ്യക്തമായത്​. തുടർന്ന്​ മഹാരാഷ്​ട്ര സ്വദേശിക്ക്​ എതിരെ കടയിലെ ജീവനക്കാരിൽ നിന്നും പോലീസ്​ മൊഴിയെടുത്തു. തുടർന്ന്​ കാർ ഉടമസ്ഥരെ വിവരം അറിയിക്കുകയും അവർ പോലീസ്​ സ്​റ്റേഷനിലെത്തി കാർ ഏറ്റുവാങ്ങുകയും ചെയ്​തു.