കേരള സോഷ്യൽ ആൻറ്​ കൾച്ചറൽ അസോസിയേഷൻ നവരാത്രി ആഘോഷം സംഘടിപ്പിക്കുന്നു

മനാമ: കേരള സോഷ്യൽ ആൻറ്​ കൾച്ചറൽ അസോസിയേഷൻ വിപുലമായ പരിപാടികളോടെ നവരാത്രി ആഘോഷം സംഘടിപ്പിക്കുന്നു. ‘ശാക്തേയം 2018’ എന്ന പേരിൽ ഒക്ടോബർ 10 മുതൽ 19 വരെ നടക്കുന്ന ‘നൃത്ത്യ വാദ്യ സംഗീതോത്സവം’ വൈവിധ്യമാർന്ന പരിപാടികളാൽ സമ്പന്നമായിരിക്കുമെന്ന് പ്രസിഡൻറ്​ പമ്പാവാസൻ നായർ, ജനറൽ സെക്രട്ടറി സന്തോഷ്​കുമാർ, സാഹിത്യ വിഭാഗം സെക്രട്ടറി മനുമോഹൻ എന്നിവർ പത്രക്കുറിപ്പിൽ അറിയിച്ചു. അസോസിയേഷൻ സാഹിത്യ വിഭാഗത്തി​​​െൻറ നേതൃത്വത്തിൽ നവരാത്രി ആഘോഷത്തിനായി എം ജി. സുബാഷ്‌ കൺവീനറായി വിപുലമായ കമ്മറ്റിയും പ്രവർത്തിക്കുന്നുണ്ട്​. ഒക്ടോബർ 19 ലെ വിദ്യാരംഭത്തിന്​ കവിയും ഗാനരചയിതാവുമായ ഒ.എസ്‌. ഉണ്ണികൃഷ്​ണൻ നേതൃത്വം നൽകും.

അന്നേദിവസം കവി ബാലചന്ദ്രൻ കൊന്നക്കാടി​​​െൻറ ‘രുദ്ര വീണ’ എന്ന കവിതാ സമാഹാരത്തി​​​െൻറ പ്രകാശനം ഒ.എസ്‌ ഉണ്ണികൃഷ്​ണൻ നിർവ്വഹിക്കും. നവരാത്രി ആഘോഷത്തിനോട്​ അനുബന്ധിച്ച്‌ കുട്ടികൾക്കും മുതിർന്നവർക്കുമായി മലയാള കവിത പാരായണ മത്സരവും സംഘടിപ്പിക്കുന്നുണ്ട്‌. ഒക്ടോബർ അഞ്ചിന്​ നടക്കുന്ന പ്രാഥമിക മത്സരത്തിൽ ബഹ്​റൈൻ പ്രവാസികളായ കുട്ടികൾക്കും മുതിർന്നവർക്കും പങ്കെടുക്കാം. രണ്ടുഘട്ടങ്ങളായി നടക്കുന്ന ‘ശാക്തേയം 2018’ കവിതാലാപന മത്സരത്തിന്​ 12 മുതൽ 18 വയസുവരെയുള്ളവർക്ക്​ ജൂനിയർ മത്സരത്തിനും 18 വയസിനു മുകളിൽ പ്രായമുള്ളവർക്ക്‌ സീനിയർ മത്സരത്തിലും പങ്കെടുക്കാം.

ഒന്നാംഘട്ട മത്സരത്തിൽ തെരഞ്ഞെടുക്കപ്പെടുന്നവർക്ക്‌ ഒക്ടോബർ 16 നു നടക്കുന്ന ഫൈനൽ മത്സരത്തിൽ പങ്കെടുക്കാം. ഒക്ടോബർ 16 ന്​ നടക്കുന്ന കവിതാ മത്സരത്തിൽ ഒ. എസ്‌ . ഉണ്ണികൃഷണൻ മുഖ്യ വിധികർത്താവായി എത്തിചേരും .കവിതാ മത്സരത്തിൽ ഒന്നും രണ്ടും മൂന്നും സ്ഥാനംനേടുന്നവർക്ക്‌ പ്രത്യേക സമ്മാനങ്ങളും ലഭിക്കും. കുട്ടികളെ എഴുത്തിനിരുത്തുന്നതിനും, കവിതാമത്സരത്തിനും രജിസ്​ട്രേഷൻ ആരംഭിച്ചിരിക്കുന്നു. കുട്ടികളെ എഴുത്തിനിരുത്താൻ ആഗ്രഹിക്കുന്നവർക്ക് നവരാത്രി ആഘോഷ കമ്മറ്റി കൺവീനർ എം.ജി സുബാഷ്‌ 39864683‬, ജനറൽ സെക്രട്ടറി സന്തോഷ്കുമാർ ‭39222431, സാഹിത്യവിഭാഗം സെക്രട്ടറി മനുമോഹൻ 39164732 എന്നിവരെ വിളിച്ച്‌ പേരു രജിസ്റ്റർ ചെയ്യാം.ഓൺലൈനായും രജിസ്റ്റർ ചെയ്യാവുന്നതാണ്‌.