സഹവര്ത്തിത്വത്തിലൂടെ സമാധാനം രാജ്യത്തിെൻറ പ്രത്യേകത –ഹമദ് രാജാവ്
text_fieldsമനാമ: സഹവര്ത്തിത്വത്തിലൂടെ സമാധാനം കരസ്ഥമാക്കുകയെന്നതാണ് രാജ്യം പിന്തുടരുന്ന മാതൃകയെന്ന് രാജാവ് ഹമദ് ബിന് ഈസ ആല് ഖലീഫ വ്യക്തമാക്കി. കിങ് ഹമദ് സെൻറര് ഫോര് പീസ്ഫുള് കോ എക്സിസ്റ്റന്സ് ചെയര്മാന് ഡോ. ശൈഖ് ഖാലിദ് ബിന് ഖലീഫ ആല് ഖലീഫയെ സ്വീകരിച്ച് സംസാരിക്കുകയായിരുന്നു അദ്ദേഹം. സെൻററിെൻറ ജനറല് സെക്രട്ടറിയായി പുതുതായി നിയമിച്ച സുമയ്യ ഹുസൈന് ഹസന് മീറും കൂടിക്കാഴ്ചയില് സംബന്ധിച്ചു. ഹമദ് രാജാവ് തന്നിലേല്പിച്ച ദൗത്യം നിര്വഹിക്കുന്നതില് ഏറെ സന്തോഷമുള്ളതായി അവര് പറഞ്ഞു.
രാജ്യത്തിെൻറ യശസ്സും പാരമ്പര്യവും ഉയര്ത്തിപ്പിടിക്കുന്നതിനുള്ള ശ്രമങ്ങളില് പങ്കാളിയാകാന് സാധിച്ചതിലുള്ള സന്തോഷവും സംതൃപ്തിയും അവര് പ്രകടിപ്പിച്ചു. സെൻറര് നടത്തിക്കൊണ്ടിരിക്കുന്ന പ്രവര്ത്തനങ്ങളും ഇടപെടലുകളും ചാരിതാര്ഥ്യജനകമാണെന്ന് ഹമദ് രാജാവ് പറഞ്ഞു. രാജ്യം കാത്തുസൂക്ഷിക്കുന്ന സഹവര്ത്തിത്വവും സഹിഷ്ണുതയും സമാധാനവും മതസ്വാതന്ത്ര്യവും ഉയര്ത്തിപ്പിടിക്കാനും അവക്ക് കോട്ടംതട്ടാതിരിക്കാനും പ്രത്യേക ശ്രമമെന്ന നിലക്കാണ് ഇത്തരമൊരു സെൻറര് സ്ഥാപിക്കാന് സാധിച്ചത്. എല്ലാ മേഖലകളിലം രാജ്യം കൈവരിച്ച നേട്ടങ്ങള് നിലനിര്ത്താന് ഒരുമിച്ച് മുന്നേറാന് സാധിക്കട്ടെയെന്നും അദ്ദേഹം ആശംസിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.