കോവിഡ് -19: ഏഴു പേർക്കുകൂടി രോഗം സ്ഥിരീകരിച്ചു
text_fieldsമനാമ: പുതുതായി ഏഴു പേർക്കുകൂടി രോഗം സ്ഥിരീകരിച്ചതോെട ബഹ്റൈനിൽ കോവിഡ്-19 ബാ ധിച്ചവരുടെ എണ്ണം 33 ആയി. ഇറാനിൽനിന്ന് ബഹ്റൈൻ ഇൻറർനാഷനൽ എയർപോർട്ടിൽ ഇറങ്ങിയ വരാണ് ഇവർ. തുടന്ന് നടത്തിയ വിശദ പരിശോധനയിലാണ് രോഗം സ്ഥിരീകരിച്ചത്. എല്ലാ വരെയും ഇബ്രാഹിം ഖലീൽ കാനൂ കമ്യൂണിറ്റി മെഡിക്കൽ സെൻററിലെ െഎസൊലേഷൻ വാർഡിലേക്ക് മാറ്റി. ഇവരുമായി അടുത്തിടപഴകിയ എല്ലാവരെയും പ്രത്യേക നിരീക്ഷണത്തിലേക്ക് മാറ്റി. ഇറാനിൽനിന്നെത്തിയ ബഹ്റൈൻ പൗരൻ രോഗലക്ഷണങ്ങൾ കണ്ടതിനെത്തുടർന്ന് 444ൽ വിളിച്ച് അറിയിക്കുകയായിരുന്നു. ആരോഗ്യ പ്രവർത്തകർ ഇദ്ദേഹത്തെ ചികിത്സക്കായി െഎസൊലേഷൻ കേന്ദ്രത്തിലേക്ക് മാറ്റുകയായിരുന്നു.
ഉംറ യാത്രകൾ നിർത്തിവെച്ചു
മനാമ: കോവിഡ്-19 രോഗബാധയുടെ പശ്ചാത്തലത്തിൽ കരമാർഗവും വ്യോമമാർഗവുമുള്ള ഉംറ യാത്രകൾ നിർത്തിവെച്ചതായി ജസ്റ്റിസ് ആൻഡ് ഇസ്ലാമിക് അഫയേഴ്സ് വകുപ്പ് മന്ത്രി ശൈഖ് ഖാലിദ് ബിൻ അലി ആൽ ഖലീഫ അറിയിച്ചു.
ഇനി അറിയിപ്പുണ്ടാകുന്നതുവരെ ഉംറ യാത്രകൾ നിർത്തിവെക്കാൻ സൗദി അറേബ്യയിലെ ഹജ്ജ്, ഉംറ മന്ത്രാലയം നിർദേശം നൽകിയതിനെ തുടർന്നാണ് നടപടി. എല്ലാം ഉംറ ഒാപറേറ്റർമാരും നിർദേശം പാലിക്കണമെന്ന് മന്ത്രി നിർദേശിച്ചു.
വിമാന സമയം ഉറപ്പാക്കണം
മനാമ: കോവിഡ് -19 രോഗബാധയുടെ പശ്ചാത്തലത്തിൽ ബഹ്റൈനിൽ ഇൻറർനാഷനൽ എയർേപാർട്ടിൽ എത്തുന്ന വിമാനങ്ങളുടെയും പുറപ്പെടുന്ന വിമാനങ്ങളുടെയും സമയക്രമത്തിൽ മാറ്റമുണ്ടാകാമെന്ന് ബഹ്റൈൻ എയർപോർട്ട് കമ്പനി അറിയിച്ചു. യാത്രക്കാർ തങ്ങളുടെ വിമാന സമയം വിമാനക്കമ്പനിയിൽ അന്വേഷിച്ച് ഉറപ്പാക്കണം. 80007777 എന്ന നമ്പറിൽ ബഹ്റൈൻ എയർപോർട്ടിലെ കോൾ സെൻററിൽ വിളിച്ചും 80114444 എന്ന ഇൻറർനാഷനൽ നമ്പറിൽ വിളിച്ചും വിമാന സമയം അറിയാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.