പ്രവാസലോകം തിരുവോണം ആഘോഷിച്ചു
text_fieldsമനാമ: പ്രവാസലോകത്ത് മലയാളി സമൂഹം തിരുേവാണം ആഘോഷിച്ചു. കുടുംബങ്ങളായി താമസിക്കുന്നവർ തിരുവോണനാളിൽ സുഹൃത ്തുക്കളെ ക്ഷണിച്ച് ഒാണസദ്യ നൽകിയാണ് കൂട്ടായ്മയുടെ മധുരം പങ്കുവെച്ചത്. റസ്റ്റോറൻറുകളുടെ ഒാണസദ്യ പാഴ് സൽ വാങ്ങാൻ ഏറെ തിരക്ക് അനുഭവെപ്പട്ടു. വിവിധ റസ്റ്റോറൻറുകളിൽ തിരുവോണനാളിൽ സദ്യ വിൽപ്പന നടത്തിയിരുന്നു. അ തേസമയം വിവിധ പ്രവാസിസംഘടനകളുടെ നേതൃത്വത്തിൽ ഒാണാഘോഷം ബഹ്റൈനിൽ വിവിധ ദിനങ്ങളിലായി തുടരും. കേരളീയ സമാജം, ഇന്ത്യൻ ക്ലബ്, കെ.സി.എ, തുടങ്ങിയ സംഘടനകളെല്ലാം ഒാണം കൊണ്ടാടുകയാണ്. സിറോ മലബാർ സൊസൈറ്റിയുടെ 14 ദിവസം നീണ്ട ഓണാഘോഷ പരിപാടികളും തുടരുന്നു.
ഇന്ന് അത്തപ്പൂക്കള മത്സരവും പായസ മത്സരവും പരമ്പരാഗത വസ്ത്രധാരണ മത്സരവും നടക്കും. നാളെ ഫാൻസി ഡ്രസ്സ്, നാടോടി നൃത്തം, 15 ന് ക്വിസ് മത്സരം, 16 ന് പ്രസംഗ മത്സരം(മലയാളം),നിമിഷ പ്രസംഗം എന്നിവ ഉണ്ടായിരിക്കും. 17ന് പ്രസംഗ മത്സരം(ഇംഗ്ലീഷ്), ടേബിൾ ടോക്ക്, 18ന് കവിതാപാരായണം. 21ന് ഓണപ്പാട്ട് മത്സരവും തിരുവാതിരയും 22ന് നാടോടിനൃത്തവും ഉണ്ടായിരിക്കും. സിംസിെൻറ 2000 പേർക്കുള്ള ഓണമഹസദ്യ സെപ്റ്റംബർ 20 ന് രാവിലെ 11 മുതൽ 3.30 ഇന്ത്യൻ ക്ലബ്ബ് ഓഡിറ്റോറിയത്തിൽ നടക്കും. ഓണസദ്യയോടനുബന്ധിച്ചു സിംസ് ചാരിറ്റി വിഭാഗത്തിെൻറ നേതൃത്വത്തിൽ കേരളത്തിലെ വിവിധ ജില്ലകളിലെ വൃദ്ധസദനങ്ങളിൽ ഒറ്റപെട്ടുകഴിയുന്ന 1500 പേർക്ക് ഓണസദ്യ നൽകും.
28 ന് വൈകിട്ട് ഏഴിന് ഇന്ത്യൻ ക്ലബ്ബിൽ ഈ വർഷത്തെ ഓണാഘോഷങ്ങൾക്ക് സമാപനമാകും. ഗ്രാൻഡ് ഫിനാലെയിൽ സിനിമ നടൻ ശിവജി ഗുരുവായൂർ പങ്കെടുക്കുന്ന ‘അച്ഛൻ’എന്ന നാടകവും അവതരിപ്പിക്കും. ഇന്ത്യൻ ക്ലബ്ബിെൻറ ഈ വർഷത്തെ ഓണാഘോഷം ‘പൊന്നോണപ്പുലരി’ സെപ്തംബർ 20 മുതൽ ഒക്ടോബർ 17 വരെ വിവിധ പരിപാടികളോടെ നടക്കും. ഘോഷയാത്ര, വടംവലി, പായസമേള, പൂക്കളമത്സരം തുടങ്ങിയവ ആഘോഷത്തെ വേറിട്ടതാക്കും. സെപ്തംബർ 20 ന് കായിക പരിപാടികളും മത്സരങ്ങളും നടക്കും.
സെപ്തംബർ 26 ന് മെഗാതിരുവാതിര, ഘോഷയാത്ര, ഉത്സവപറമ്പ് എന്നിവയും ശ്രദ്ധേയമാകും. 27ന് കബഡി മത്സരം നടക്കും. ഒക്ടോബർ മൂന്നിന് പ്രസീതയും സംഘവും അവതരിപ്പിക്കുന്ന നാടൻ പാട്ട്. ഒക്ടോബർ 10 ന് വനിതാവിഭാഗത്തിെൻറ നേതൃത്വത്തിൽ പായസമേളയും പൂക്കള മത്സവും. 11 ന് ഇന്ത്യൻ ക്ലബിൽ ഒാണസദ്യയിൽ 3,000 ആളുകൾ പെങ്കടുക്കും. കെ.സി.എയുടെ ഒാണാഘോഷത്തിന് കഴിഞ്ഞ സെപ്തംബർ അഞ്ചിന് തുടക്കമായിരുന്നു. ഇൗ മാസം 20 ന് ശ്രീകുമാരൻതമ്പി മുഖ്യാതിഥിയായി പെങ്കടുക്കും. മുഹറഖ് മലയാളി സമാജത്തിെൻറ ആഭിമുഖ്യത്തിൽ ഈ വർഷത്തെ ‘അഹ്ലൻ പൊന്നോണം 2019 ഓണാഘോഷം’ ഇന്ന് മുഹറഖ് റാഷിദ് അൽ സയ്യാനി ഹാളിൽ നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.