സുവർണ്ണ ജൂബിലി ആഘോഷം: മത്​സര വിജയികൾക്ക്​ സമ്മാനവിതരണം നടത്തി

മനാമ: ഒ.വി.വിജയ​​െൻറ ‘ഖസാക്കി​​െൻറ ഇതിഹാസം’സുവർണ്ണ ജൂബിലി ആഘോഷങ്ങളുടെ ഭാഗമായി, ബഹ്റൈൻ കേരളീയ സമാജം നടത്തിയ വിവ ിധ മത്​സര വിജയികൾക്ക്​ സമ്മാന വിതരണം നടത്തി. സമാജം സാഹിത്യ വേദിയുടെ ആഭിമുഖ്യത്തിൽ സംഘടിപ്പിച്ച സമ്മേളനത്തിൽ പ്രമുഖ സാഹിത്യ നിരൂപകൻ ഡോ.പി.കെ.രാജശേഖരൻ മുഖ്യാതിഥിയായിരുന്നു. സമാജം ജനറൽ സെക്രട്ടറി എം.പി.രഘു സ്വാഗതം ആശംസിച്ച ചടങ്ങിൽ സമാജം പ്രസിഡൻറ്​ പി.വി.രാധാകൃഷ്ണപിള്ള ,സാഹിത്യ വിഭാഗം സെക്രട്ടറി ബിജു.എം.സതീഷ്, സാഹിത്യ വിഭാഗം കൺവീനർ ഷബിനി വാസുദേവ് എന്നിവർ സംബന്​ധിച്ചു. ഒരു മാസമായി നടന്നു വരുന്ന സുവർണ്ണ ജൂബിലി ആഘോഷത്തി​​െൻറ ഭാഗമായി കവർചിത്രരചന, കാർട്ടൂൺ, വായന എന്നിവയിലാണ്​ മത്സരങ്ങൾ സംഘടിപ്പിക്കപ്പെട്ടത്​.
ഒ.വി.വിജയൻ വരച്ച കാർട്ടൂണുകളുടെയും മത്സരങ്ങളിൽ പങ്കെടുത്തവർ വരച്ച കാർട്ടൂണുകളുടെയും കവർ ചിത്രങ്ങളുടേയും പ്രദർശനവും നടന്നു.