‘ഏക ജാലക സംവിധാനം വന്നാൽ പ്രവാസികളുടെ മൃതദേഹം വേഗത്തിൽ നാട്ടിലെത്തിക്കാം’

മനാമ: ബഹ്‌റൈനിൽ മരണമടയുന്ന പ്രവാസികളുടെ മൃതദേഹം നാട്ടിൽ കൊണ്ടുപോകുന്നതിലുള്ള കാലതാമസം ഒഴിവാക്കാൻ ഏക ജാലക സം വിധാനം ഏർപ്പെടുത്താനായി അധികാരികളെ സമീപിച്ചിട്ടുണ്ടെന്ന്​ സാമൂഹിക പ്രവർത്തകനായ കെ.ടി സലീം അറിയിച്ചു. പൊതു സമൂഹവും വിവിധ സംഘടന, സാമൂഹിക നേതാക്കളും ഇൗ ആവശ്യം ഏറ്റെടുക്കണമെന്നും അദ്ദേഹം പറഞ്ഞു. ഇപ്പോൾ ഒരു പ്രവാസി ബഹ്‌റൈനിൽ നിര്യാതനായാൽ മോർച്ചറിയിൽ നിന്നും ലഭിക്കുന്ന മരണകാരണ സാക്ഷ്യപത്രവുമായി, ബർത്ത് ആൻറ്​ ഡെത്ത് വിഭാഗത്തിൽ നിന്നും ഡെത്ത് സർട്ടിഫിക്കറ്റ് , പിന്നീട് എംബസ്സിയിൽ നിന്നുള്ള രേഖകൾ, മിനിസ്ട്രി ഓഫ് ഫോറിൻ അഫേഴ്‌സ് , സി.ഐ.ഡി. നോ ഒബ്ജെക്ഷൻ സർട്ടിഫിക്കറ്റുകൾ എന്നിവക്കായി പലയിടങ്ങളിലും കയറി ഇറങ്ങേണ്ട അവസ്ഥയുണ്ട്​.

ഏക ജാലക സംവിധാനം നിലവിൽ വന്നാൽ ഒരു ഓഫീസിൽ മാത്രം രേഖകൾ സമർപ്പിക്കാൻ സാധിക്കും. പ്രവാസികളുടെ മരണ നിരക്ക് കൂടിവരുന്നതിനാലും, ഒഴിവ് ദിവസങ്ങളിൽ ഡെത്ത് സർട്ടിഫിക്കറ്റ് ലഭിക്കാൻ കാലതാമസം നേരിടുന്നതിനാലും ഇൗ ആവശ്യത്തിന്​ ഏറെ പ്രസക്തിയുണ്ട്​. മറ്റൊരു രാജ്യത്ത് ഏക ജാലക സംവിധാനം നടപ്പിലാക്കിയ കാര്യവും ഇവിടെ പ്രസക്തമാ​െണന്നും കെ.ടി സലീം ചൂണ്ടിക്കാട്ടി. സംവിധാനം നിലവിൽ വന്നാൽ ഏജൻറ്റുമാരെ ഏൽപ്പിക്കുന്ന രീതി അവസാനിപ്പിക്കുവാനും കഴിയും.