രതീഷ്​ വരക്കുന്നു; സ്വപ്​നങ്ങളെ മുറുകെപ്പിടിച്ച്​

മനാമ: 15 വർഷമായി രതീഷ്​ കക്കട്ടിൽ പ്രവാസിയായിട്ട്​. ​മനാമ ഗോൾഡ്​ സൂഖിലെ ജൂവലറി വർക്ക്​ഷോപ്പിൽ ജീവനക്കാരനായ ഇൗ യുവാവ്​ ഒഴിവുനേരം കിട്ടു​േമ്പാൾ ചിത്രകലക്കുവേണ്ടി ചെലവിടും. അങ്ങനെ വരച്ചുകൂട്ടിയ പോർട്രയിറ്റുകൾ രതീഷി​ ​െൻറ മുറിയിൽ നിറഞ്ഞിരിക്കുകയാണ്​. രാജാവ്​ ഹമദ്​ ബിൻ ഹമദ്​ ബിൻ ഇൗസ ആൽ ഖലീഫ, പ്രധാനമന്ത്രി പ്രിൻസ്​ ഖലീഫ ബിൻ സൽമാ ൻ ആൽ ഖലീഫ, കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ, കേരള മുഖ്യമന്ത്രി പിണറായി വിജയൻ, മുൻ മുഖ്യമന്ത്രി ഇ.കെ.നായനാർ, എഴുത്തുകാരൻ എം.ടി.വാസു​േദവൻ നായർ, മമ്മൂട്ടി, മോഹൻലാൽ തുടങ്ങി പ്രശസ്​തരായ ഒ​േട്ടറെപ്പേരുടെ ചിത്രങ്ങൾ വരച്ചുകഴിഞ്ഞു.

രതീഷ്​ വരച്ച മമ്മൂട്ടിയുടെ പോർട്രയിറ്റ്​ അദ്ദേഹത്തെ കാണിച്ച്​ ഒപ്പിട്ട്​ വാങ്ങാനും അഭിനന്ദനം നേടാനും ഇൗയിടെ നടന്ന ‘ഹാർമോണിയസ്​ കേരള’വേദിയിൽ അവസരമൊരുങ്ങിയിരുന്നു. മോഹൻലാൽ വർഷങ്ങൾക്ക്​ മുമ്പ്​ ബഹ്​റൈനിൽ എത്തിയപ്പോഴും രതീഷ്​ അദ്ദേഹത്തി​​െൻറ ചിത്രം കാണിച്ച്​ അതിൽ ഒപ്പിട്ട്​ വാങ്ങിയിരുന്നു. ബഹ്​റൈനിൽ രണ്ടുതവണ ത​​െൻറ ചിത്ര പ്രദർശനം രതീഷ്​ സംഘടിപ്പിച്ച​ു. വിപുലമായ രീതിയിൽ ചിത്രപ്രദർശനം ബഹ്​റൈനിലും നാട്ടിലും സംഘടിപ്പിക്കാൻ ഉദ്ദേശിക്കുന്നുണ്ട്​. എന്നാൽ അതിനുവേണ്ടി ചെലവഴിക്കാനുള്ള സമയം ലഭിക്കുന്നില്ല എന്നതാണ്​ പ്രധാനപ്രശ്​നം. രതീഷിന്​ ഒരു വീട്​ നിർമ്മിക്കണം എന്നതാണ്​ ഏറ്റവും വലിയ ആഗ്രഹം.

അത്​ പൂർത്തീകരിച്ചശേഷം ചിത്രകലക്ക്​ വേണ്ടി കൂടുതൽ സമയം ചെലവഴിക്കാനും ഇൗ രംഗത്ത്​ കൂടുതൽ പഠനം നടത്തണമെന്നും ആഗ്രഹമുണ്ട്​. ചിത്രകല പഠിക്കാൻ ഇതുവരെ കഴിഞ്ഞിട്ടില്ലെന്നതാണ്​ രതീഷി​​െൻറ വലിയ സങ്കടങ്ങളിലൊന്ന്​. ഇല്ലായ്​മകൾ കാരണം പ്ലസ്​ ടു കഴിഞ്ഞപ്പോൾ തന്നെ ​തൊഴിൽ മേഖലയിലേക്ക്​ കടക്കുകയായിരുന്നു. എങ്കിലും ചിത്രകലയിൽ കൂടുതൽ ശ്രദ്ധപതിപ്പിച്ച്​ ശ്രദ്ധേയമായ കാര്യങ്ങൾ ചെയ്യണം എന്ന മോഹമാണ്​ രതീഷിനെ സദാനയിക്കുന്നതും. രതീഷി​​െൻറ ഭാര്യ രമിതയും ഏക മകൻ സൂര്യദേവും നാട്ടിലുണ്ട്​. രതീഷി​​െൻറ ഫോൺ നമ്പർ: 34141656