പുതിയ നിർമ്മാതാക്കൾ പഴയ സംവിധായകരെ അവഗണിക്കുന്നു -സുരേഷ് ഉണ്ണിത്താൻ
text_fieldsമനാമ: മലയാള സിനിമയിലെ പുതിയ നിർമ്മാതാക്കൾ പഴയ സംവിധായകരെ അവഗണിക്കുന്നെന്ന് ചലച്ചിത്രസംവിധായകൻ സുരേഷ് ഉണ ്ണിത്താൻ. ബഹ്റൈനിൽ ഹ്രസ്വസന്ദർശനത്തിന് എത്തിയ അദ്ദേഹം ‘ഗൾഫ് മാധ്യമ’വുമായി സംസാരിക്കുകയായിരുന്നു. ഇപ്പോ ൾ മലയാള സിനിമയിൽ ധാരാളം നല്ല സിനിമകൾ ഉണ്ടാകുന്നുണ്ട്. പുതിയ സംവിധായകർ വ്യാപകമായി രംഗത്തുവരുന്നുമുണ്ട്. അതെ ല്ലാം നല്ലതാണെങ്കിലും പഴയ സിനിമ സംവിധായകരിൽ കഴിവ് തെളിയിച്ചവരും പ്രതിഭാധനരും ഉണ്ടെന്നതും ആരും മറക്കരുത്.
അവർക്ക് കൂടി പരിഗണന നൽകാനുള്ള സൻമനസ് ഉണ്ടാകണം. പുതിയവരിൽ മാത്രമാണ് പ്രതീക്ഷ എന്ന പ്രചാരണങ്ങളും വേദനാജനകമാണെന്നും അദ്ദേഹം പറഞ്ഞു. എല്ലാ കാലങ്ങളിലും നവപ്രതിഭകൾ ഉണ്ടാകാറുണ്ട്. അങ്ങനെ ഉണ്ടായവരാണ് പത്മരാജനും ഭരതനും ഉൾപ്പെടെയുള്ളവർ. എന്നാൽ നിലവിലുള്ളവരെ മാറ്റിനിർത്തുന്ന ശൈലി എന്തിനുവേണ്ടിയാണെന്നും അദ്ദേഹം ചോദിച്ചു. തങ്ങളെപ്പോലുള്ള സംവിധായകരും അതാത് കാലഘട്ടത്തിൽ പുത്തൻപ്രമേയങ്ങളും സാേങ്കതമിഴിവുകളും സ്വീകരിച്ച് ചിത്രങ്ങൾ ചെയ്തവരാണ്.
താൻ ഇൗ പറയുന്നതിനെ പരിഹാസിക്കുന്നവർ ഉണ്ടാകും. എന്നാൽ മലയാളത്തിന് സൂപ്പർ ഹിറ്റുകൾ നൽകിയ മോഹൻ എന്ന സംവിധായകനെേപ്പാലുള്ളവരെ നിർമ്മാതാക്കൾ കണ്ടില്ലെന്ന് നടിക്കുന്നു. കാലത്തെ അതിജീവിക്കുന്ന സിനിമകൾ ചെയ്ത സംവിധായകരുടെ നിര ഇൗ അവസരത്തിൽ ഒാർക്കേണ്ടതാണെന്നും സുരേഷ് ഉണ്ണിത്താൻ ചൂണ്ടിക്കാട്ടി. പത്മരാജെൻറ കീഴിൽ സംവിധാനം പഠിച്ച താൻ അദ്ദേഹത്തിെനാപ്പമുള്ള അനുഭവങ്ങൾ പുസ്തകമായി എഴുതാനും ആലോചിക്കുന്നതായും പറഞ്ഞു. രാധാമാധവം, ഉത്സവമേളം, മുഖചിത്രം,ജാതകം,ആർദ്രം, അയ്യാൾ,വേനൽക്കാലം തുടങ്ങിയ നിരവധി ചിത്രങ്ങൾ സംവിധാനം ചെയ്ത സുരേഷ് ഉണ്ണിത്താൻ പുതിയ സിനിമയുടെ അണിയറ പ്രവർത്തനങ്ങളുടെ ഭാഗമായാണ് ബഹ്റൈനിൽ എത്തിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.