അറബ് ഉച്ചകോടിയില്‍ പങ്കെടുക്കാന്‍ ഹമദ് രാജാവിന് ക്ഷണം

മനാമ: തുനീഷ്യയില്‍ നടക്കുന്ന അറബ് ഉച്ചകോടിയില്‍ പങ്കെടുക്കുന്നതിന് രാജാവ് ഹമദ് ബിന്‍ ഈസ ആല്‍ ഖലീഫക്ക് ക്ഷണ ം. തുനീഷ്യന്‍ പ്രസിഡൻറ്​ അല്‍ബാജി ഖാഇദ് അസ്സബ്സിയുടെ ഹമദ് രാജാവിനുള്ള ക്ഷണപത്രിക കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ കഴിഞ്ഞ ദിവസം ഏറ്റുവാങ്ങി. മാര്‍ച്ചില്‍ നടക്കുന്ന ഉച്ചകോടിയില്‍ പങ്കെടുക്കുന്നതിനുള്ള ക്ഷണം തുനീഷ്യന്‍ വിദേശ കാര്യ മന്ത്രിയും പ്രസിഡൻറി​​​​െൻറ പ്രത്യേക പ്രതിനിധിയുമായ ഖമീസ് അല്‍ ജഹീനാവിയില്‍ നിന്നാണ്​ ഏറ്റുവാങ്ങിയത്​. റിഫ പാലസില്‍ നടന്ന ചടങ്ങില്‍ വിദേശകാര്യ മന്ത്രി ശൈഖ് ഖാലിദ് ബിന്‍ അഹ്​മദ് ബിന്‍ മുഹമ്മദ് ആല്‍ ഖലീഫയും സന്നിഹിതനായിരുന്നു.