വിദ്യാഭ്യാസ മന്ത്രി പുസ്​തകങ്ങള്‍ ഏറ്റുവാങ്ങി

മനാമ: വിദ്യാഭ്യാസ മന്ത്രി ഡോ. മാജിദ് ബിന്‍ അലി അന്നുഐമി എഴുത്തുകാരനായ ഖാലിദ് അബ്​ദുല്ല ഹുസൈനില്‍ നിന്ന് പുസ്തകം ഏറ്റുവാങ്ങി. അദ്ദേഹം രചിച്ച പുസ്​തകങ്ങളുടെ കോപ്പികളാണ് മന്ത്രിക്ക് കൈമാറിയത്. ഇത്തരം രചനകളും എഴുത്തുകളും ബഹ്റൈന്‍ സാംസ്കാരിക പരിസരത്തെ ശക്തിപ്പെടുത്താന്‍ കഴിയുന്ന ഒന്നാണെന്ന് മന്ത്രി പറഞ്ഞു. കൂടുതല്‍ വിജ്ഞാന പ്രദമായ പുസ്തകങ്ങള്‍ രചിക്കാന്‍ ഖാലിദ് അബ്​ദുല്ലക്ക് സാധിക്കട്ടെയെന്നും മന്ത്രി ആശംസിച്ചു.