സൗദി കിരീടാവകാശിക്ക് ഹൃദ്യമായ യാത്രയയപ്പ്

മനാമ: സൗദി കിരീടാവകാശിയും ഉപപ്രധാന മന്ത്രിയും പ്രതിരോധ മന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്‍ ബിന്‍ അബ്​ദുല്‍ അസീസ് ആല്‍ സുഊദിന് ഹൃദ്യമായ യാത്രയയപ്പ്. രണ്ട് ദിവസത്തെ ബഹ്റൈന്‍ സന്ദര്‍ശനത്തിനെത്തിയ അദ്ദേഹം ഭരണാധികാരികളുമായി കൂടിക്കാഴ്ച്ചയും ചര്‍ച്ചയും നടത്തുകയും ഇരുരാജ്യങ്ങളും തമ്മിലുള്ള ബന്ധം ശക്തിപ്പെടുത്താനും സഹകരണം വ്യാപിപ്പിക്കാനുമുള്ള നിര്‍ദേശങ്ങള്‍ മുന്നോട്ടു വെക്കുകയും ചെയ്തു. രാജാവ് ഹമദ് ബിന്‍ ഈസ ആല്‍ ഖലീഫ, പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫ, കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ, ബഹ്റൈനിലെ സൗദി അംബാസഡര്‍, ഉയര്‍ന്ന ഉദ്യോഗസ്ഥര്‍ തുടങ്ങിയവര്‍ യാത്രയയക്കാനെത്തിയിരുന്നു.