മുഖ്യ വോട്ടിങ് കേന്ദ്രങ്ങളില്‍ ബഹ്റൈന്‍ യൂനിവേഴ്​സിറ്റിയും

മനാമ: തെരഞ്ഞെടുപ്പ് 2018 ലെ മുഖ്യ വോട്ടിങ് കേന്ദ്രങ്ങളില്‍ ബഹ്റൈന്‍ യൂനിവേഴ്​സിറ്റിയും. 13 ാമത് കേന്ദ്രമായാണ് ബഹ്റൈന്‍ യൂനിവേഴ്​സിറ്റിയെ നിര്‍ണയിച്ചിട്ടുള്ളത്. തെരഞ്ഞെടുപ്പി​​െൻറ ഭാഗമായി രാവിലെ എട്ട് മുതല്‍ രാത്രി എട്ടു വരെ 12 മണിക്കൂര്‍ നീളുന്ന ആഘോഷ പരിപാടികള്‍ യൂനിവേഴ്​സിറ്റിയില്‍ സംഘടിപ്പിക്കും. സഖീറിലെ എസ് 18 കെട്ടിടത്തിലാണ് വോട്ടിങ് കേന്ദ്രം. യൂണിവേഴ്സിറ്റി പി.ആര്‍- മീഡിയ ഡയറക്ടറേറ്റി​​െൻറ കീഴില്‍ സ്​റ്റുഡൻറ്​സ്​ അഫയേഴ്സും സ്​റ്റുഡൻറ്​സ്​ കമ്മിറ്റിയുമാണ് ആഘോഷ പരിപാടികള്‍ക്ക് നേതൃത്വം നല്‍കുക. സൈനിക ബാന്‍റ്, സംഗീത പരിപാടി, കവി സമ്മേളനം, വിവിധ തരം മല്‍സരങ്ങള്‍ തുടങ്ങിയവും ഇതിലുണ്ടാവും. സോഷ്യല്‍ മീഡിയ ആക്റ്റിവിസ്​റ്റുകളും പരിപാടികളില്‍ പങ്കുചേരും.