ബഹ്​റൈൻ സെൻറ് പീറ്റേഴ്​സ്​ യാക്കോബായ സുറിയാനി പള്ളി മൂറോൻ അഭിഷേക കൂദാശ

മനാമ: ബഹ്​റൈൻ സ​െൻറ് പീറ്റേഴ്​സ്​ യാക്കോബായ സുറിയാനി റൂബ്ബി ജൂബ്ബിലി ആഘോഷത്തി​​െൻറ ഭാഗമായി പുനർ നിർമ്മിച ്ച പള്ളിയുടെ വിശുദ്ധ മൂറോൻ അഭിഷേക കൂദാശ ഇന്നുമുതൽ 24 വരെ നടക്കുമെന്ന്​ സഭയുടെ അധികൃതർ വാർത്തസമ്മേളനത്തിൽ അറിയിച്ചു. സഭയുടെ ദൃശ്യ തലവൻ പരിശുദ്ധ മോറാൻ മോർ ഇഗ്നാത്തിയോസ് അഫ്രേം ദ്വിതീയൻ പാത്രിയർക്കിസ് ബാവായുടെ പ്രഥമ അപ്പോസ്തോലിക സന്ദർശവും ഇതി​​െൻറ ഭാഗമായി നടക്കും. ഇന്ന്​ രാത്രി ബഹ്​റൈനിൽ എത്തിച്ചേരുന്ന ബാവയെ മലങ്കരയിൽ നിന്നും വരുന്ന മെത്രാപ്പോലീത്തമാരുടെ നേതൃത്വത്തിൽ സ്വികരിക്കും. നാളെ ബാവയുമായ് ബഹ്​റൈനിലെ വിവിധ ക്രൈസ്തവ സംഘടനകളും,

ഇതര പ്രമുഖ സംഘടനകളുമായുള്ള അഭിമുഖം നടക്കും. 22ന് വൈകിട്ട് അഞ്ചിന്​ സൽമാനിയായിൽ പുനർ നിർമിച്ച പള്ളിയിൽ എത്തി ചേരുന്ന പരിശുദ്ധ ബാവാക്കും പ്രതിനിധി സംഘത്തിനും സ്വീകരണം നൽകും. തുടർന്ന് പുനർനിർമിച്ച പള്ളിയുടെ മൂറോൻ അഭിഷേക കൂദാശ നടക്കും. 23ന് രാവിലെ എട്ടിന്​ പുതിയ പള്ളിയിൽ വിശുദ്ധ കുർബാന നടത്തും. അന്ന് വൈകിട്ട് ആറിന്​ ബാവയ്ക്കുള്ള പൊതു സ്വികരണപരിപാടിയിൽ ബഹ്റൈനിലെ സാമൂഹിക സാംസ്കാരിക പ്രമുഖർ പങ്കെടുക്കും. 30 ന്​ വൈകിട്ട് 6:30 ന് പള്ളിയിലെ ഭക്തസംഘടനകളുടെയും, സൺഡേ സ്​കൂൾ വിദ്യാർഥികളുടെയും നേതൃത്വത്തിൽ വിവിധ കലാപരിപാടികൾ കേരള കാത്തലിക് അസോസിയേഷ​​െൻറ ഹാളിൽ നടക്കും.

ഡിസംബർ ഏഴിന്​ പള്ളിയുടെ 40-ാം വാർഷീകത്തോടനുബന്ധിച്ചു നടത്തുന്ന മെഗാ പ്രോഗ്രാം ‘അഗാലിയോ’ നാട്ടിൽ നിന്നുള്ള കലാകാരന്മാരെ പങ്കെടുപ്പിച്ച്​ ബഹ്റൈൻ കേരളീയ സമാജത്തിലെ ഡയമണ്ട് ജൂബിലി ഹാളിൽ ​െവെകുന്നേരം 6.30 ന് നടത്തുന്നതോടുകൂടി ഈ വർഷത്തെ ആഘോഷങ്ങൾക്ക് തിരശീല വീഴുമെന്നും സംഘാടകർ പറഞ്ഞു. വാർത്തസമ്മേളനത്തിൽ ജോർജ് തോമസ്,(സെക്രട്ടറി),കെ എം കുര്യൻ(വൈസ് പ്രസിഡന്റ),സന്തോഷ് ആൻഡ്രുസ്(ട്രഷർ) പോൾ വർഗീസ്(എക്സ് ഒഫീഷ്യോ)ഏലിയാസ് തോമസ്,തോമസ് സ്കറിയ (കമ്മറ്റി അംഗങ്ങൾ) പ്രിയ ലാജി,അനിത റെജി,ബിനു കുന്നന്താനം,ബേസിൽ നെല്ലിമറ്റം (പബ്ലിസിറ്റി കമ്മറ്റി) എന്നിവർ സംബന്​ധിച്ചു.