അറബ് ലീഗ് മുന്‍ സെക്രട്ടറി ജനറലിനെ വിദേശകാര്യ മന്ത്രി സ്വീകരിച്ചു

മനാമ: അറബ് ലീഗ് മുന്‍ സെക്രട്ടറി ജനറല്‍ ഡോ. നബീല്‍ അല്‍ അറബിയെ വിദേശകാര്യ മന്ത്രി ശൈഖ് ഖാലിദ് ബിന്‍ അഹ്മദ് ബിന്‍ മുഹമ്മദ് ആല്‍ ഖലീഫ സ്വീകരിച്ചു. ബഹ്റൈന്‍ തര്‍ക്ക പരിഹാര ചേംബറും സ്​റ്റോക്​ഹോം ചേംബര്‍ ഓഫ് കൊമേഴ്സിന് കീഴിലെ തര്‍ക്ക പരിഹാര സെന്‍ററും തമ്മില്‍ നിക്ഷേപക തര്‍ക്ക പരിഹാരവുമായി ബന്ധപ്പെട്ട് സുപ്രധാന വിഷയങ്ങള്‍ ചര്‍ച്ച ചെയ്യുന്നതിന് കഴിഞ്ഞ ദിവസം ബഹ്റൈനിലത്തെിയതായിരുന്നു അദ്ദേഹം.

ബഹ്റൈനും ഈജിപ്തും തമ്മില്‍ നിലനില്‍ക്കുന്ന ശക്തമായ ബന്ധവും വിവിധ മേഖലകളിലെ സഹകരണവും പ്രതീക്ഷയുണര്‍ത്തുന്നതാണെന്ന് മന്ത്രി വ്യക്തമാക്കി. അറബ് ലീഗ് പ്രവര്‍ത്തനം ശക്തിപ്പെടുത്തുന്നതിന് നബീല്‍ അല്‍ അറബി നടത്തിയ ശ്രമങ്ങള്‍ കരുത്തുറ്റതായിരുന്നുവെന്നും അദ്ദേഹം അനുസ്മരിച്ചു. അറബ് രാഷ്​ട്രങ്ങള്‍ക്കിടയില്‍ രജ്ഞിപ്പും ഐക്യവുമുണ്ടാക്കാനും അതുവഴി മേഖലയില്‍ സമാധാനവും ശാന്തിയും സ്ഥാപിക്കാനുള്ള ശ്രമങ്ങള്‍ക്ക് നായകത്വം വഹിക്കാന്‍ സാധിച്ചതും മന്ത്രി പറഞ്ഞു. വിവിധ മേഖലകളില്‍ ബഹ്റൈന്‍ കൈവരിച്ച നേട്ടം അസൂയാര്‍ഹമാണെന്നും നബീൽ അൽ അറബി ആശംസിച്ചു.