സ്വയം വിരമിക്കല്‍ പദ്ധതിയിൽ അപേക്ഷിച്ചത് പൊതു മേഖലയിലെ 9,000 ജീവനക്കാർ

സാമ്പത്തിക പ്രതിസന്​ധികളെ മറികടക്കാനുള്ള നടപടി ക്രമങ്ങളുടെ ഭാഗമായാണ്​ പദ്ധതി പ്രഖ്യാപിക്കപ്പെട്ടത്​
മനാമ: പൊതുമേഖല സ്ഥാപനങ്ങളിലെ ജീവനക്കാര്‍ക്കായി ആവിഷ്‌കരിച്ച സ്വയം വിരമിക്കല്‍ പദ്ധതിയില്‍ പൊതു മേഖലയിലെ 9,000 ജീവനക്കാർ ഇതുവരെ അപേക്ഷിച്ചതായി സ്ഥിരീകരണം. സിവില്‍ സര്‍വീസ് ബ്യൂറോയുടെ റിപോർട്ടിലാണ്​ ഇൗ വെളിപ്പെടുത്തലുള്ളത്​. രാജ്യത്തി​​​െൻറ സാമ്പത്തിക പ്രതിസന്​ധികളെ മറികടക്കാനുള്ള നടപടി ക്രമങ്ങളുടെ ഭാഗമായാണ്​ പദ്ധതി പ്രഖ്യാപിക്കപ്പെട്ടത്​. 10 വർഷമോ അതിന്​ മുകളിലോ സർവീസുള്ളവർക്കാണ്​ ഇൗ പദ്ധതിയിൽ ഉൾപ്പെടാൻ അർഹതയുള്ളത്​. അപേക്ഷകള്‍ വിശദമായി പരിശോധിക്കാന്‍ ബന്ധപ്പെട്ട ഏജന്‍സികള്‍ക്ക് കൈമാറുമെന്നും ഇതിന് ശേഷം അന്തിമ പട്ടിക പുറത്തുവിടുമെന്നും സിവില്‍ സര്‍വീസ് ബ്യൂറോ ചെയര്‍മാന്‍ അഹമ്മദ് ബിന്‍ സായിദ് അല്‍സായിദ് വ്യക്തമാക്കിയിട്ടുണ്ട്​.