ഇന്ദിരാഗാന്ധിയുടെ രക്തസാക്ഷിത്വ ദിനാചരണം നടത്തി

മനാമ: ഐ.വൈ.സി.സി സൽമാനിയ ഏരിയ കമ്മിറ്റിയുടെ നേതൃത്വത്തിൽ ഇന്ദിരാ ഗാന്ധിയുടെ 34-ാം രക്തസാക്ഷിത്വദിനാചരണം സംഘടിപ്പിച്ചു. സൽമാനിയലെ നേതാജി നഗർ (ഇന്ത്യൻ ഡിലൈറ്റ് റസ്​റ്റോറൻറിൽ) നടന്ന യോഗത്തിൽ സാംസ്​കാരിക പ്രവർത്തകൻ ശിവകുമാർ കൊല്ലറോത്ത് മുഖ്യ പ്രഭാഷണം നടത്തി. ഐ.വൈ.സി.സി സൽമാനിയ ഏരിയ പ്രസിഡൻറ്​ സന്ദീപ് ശശീന്ദ്രൻ അധ്യക്ഷത വഹിച്ചു. സാമൂഹ്യ പ്രവർത്തകരായ യു.കെ അനിൽ കുമാർ, ജോസഫ് തോമസ്, ഐ.വൈ.സി.സി പ്രസിഡൻറ്​ ബ്ലസ്സൻ മാത്യു, ചാരിറ്റി വിങ് കൺവീനർ ഷഫീഖ് കൊല്ലം, സി. അജ്​മൽ, ബിജു മലയിൽ എന്നിവർ സംസാരിച്ചു. ഇന്ദിരാജിയുടെ ഛായാ ചിത്രത്തിന് മുമ്പിൽ പുഷ്​പാർച്ചനയും നടന്നു. ഐ.വൈ.സി.സി. സൽമാനിയ ഏരിയ സെക്രട്ടറി രഞ്ജിത്ത് പേരാമ്പ്ര സ്വാഗതവും ഏരിയാ ട്രഷറർ രാജേഷ് മരിയാപുരം നന്ദിയും പറഞ്ഞു.