​െഎ.വൈ.സി.സി വടംവലി: ആര്യൻസ് ടീം ജേതാക്കളായി

മനാമ: ഐ.വൈ.സി.സി ബഹ്‌റൈൻ ദേശീയ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച വടം‌ വലി മൽസരത്തിൽ ആര്യൻസ് ടീം ജേതാക്കളായി. സൽമാനിയ ഗ്രൗണ്ടിൽ ബഹ്റൈനിലെ പ്രമുഖ ടീമുകൾ പങ്കെടുത്ത മൽസരത്തിൽ ബഹ്‌റൈൻ ബ്രദേഴ്​സ്​ ടീം ആയിരുന്നു ഫൈനലിൽ ആര്യൻസി​​​െൻറ എതിരാളികൾ. വടം വലി മൽസരം സാമൂഹിക പ്രവർത്തകൻ ജോസഫ് തോമസ് ഉൽഘാടനം ചെയ്​തു. ജൈൻ എൻ.എസ്. മൽസരങ്ങൾ നിയന്ത്രിച്ചു.

സമാപന സമ്മേളനം ഇന്ത്യൻ ക്ലബ് വൈസ് പ്രസിഡൻറ്​ തങ്കച്ചൻ വിതയത്തിൽ ഉദ്ഘാടനം ചെയ്​തു. ഐ.വൈ.സി.സി പ്രസിഡൻറ്​ ബ്ലസൻ മാത്യു അധ്യക്ഷത വഹിച്ചു. ആക്​ടിങ് സെക്രട്ടറി അലൻ ഐസക് സ്വാഗതവും ട്രഷറർ ഷബീർ മുക്കൻ നന്ദിയും അറിയിച്ചു. വിജയികൾക്ക് തങ്കച്ചൻ വിതയത്തിൽ സമ്മാനദാനം നിർവ്വഹിച്ചു. ലൈജു തോമസ് കൺവീനർ ആയിട്ടുള്ള സ്പോർട്​സ്​ വിങ് കമ്മറ്റിയാണ് പരിപാടിക്ക് നേതൃത്വം നൽകിയത്. ഗ്രൗണ്ടിൽ മുഹറഖ് ഏരിയയുടെ നേതൃത്വത്തിൽ നാടൻ ഭക്ഷണ ശാല പ്രവർത്തിച്ചതും ശ്രദ്ധേയമായിരുന്നു.