‘ബഹ്​റൈൻ വികസന-സാമ്പത്തിക രംഗങ്ങളിൽ മുന്നേറ്റമുണ്ടാക്കും’

മനാമ: ബഹ്​റൈൻ വികസനരംഗത്തും സാമ്പത്തിക രംഗത്തും വരുംനാളുകളിൽ ശക്തമായ മുന്നേറ്റമുണ്ടാക്കുമെന്ന്​ കിരീടാവകാശിയും ഒന്നാം ഉപപ്രധാനമന്ത്രിയുമായ ​പ്രിൻസ്​ സൽമാൻ ബിൻ ഹമദ്​ ആൽ ഖലീഫ വെളിപ്പെടുത്തി. ‘ഗവൺമ​​െൻറ്​ ഫോറം 2018’ൽ വികസന കാഴ്​ച്ചപ്പാടുകളും പദ്ധതികളും വിവരിച്ച്​ സംസാരിക്കുകയായിരുന്നു അദ്ദേഹം. 2008 ൽ സാമ്പത്തിക മുന്നേറ്റം ലക്ഷ്യമിട്ട്​ ആരംഭിച്ച വിഷൻ 2030 മൂന്ന്​ പ്രഖ്യാപിത ലക്ഷ്യങ്ങളെ കേന്ദ്രീകരിച്ചാണ്​ മു​േന്നാട്ട്​ പോകുന്നതെന്നും അദ്ദേഹം പറഞ്ഞു.

സുസ്ഥിരത, മത്​സരാധിഷ്​ഠിതം, നീതി എന്നിവയാണവ. രാജ്യം കഴിഞ്ഞ ദശകത്തിൽ വിവിധ വെല്ലുവിളികളെ നേരി​െട്ടങ്കിലും വികസനം ഉറപ്പാക്കാനുള്ള സാമ്പത്തിക അടിത്തറ ഒരുക്കാൻ കഴിഞ്ഞതായും കിരീടാവകാശി ചൂണ്ടിക്കാട്ടി. മുൻവർഷം എണ്ണയിതര മേഖലയിൽ നിന്നുള്ള സാമ്പത്തിക വളർച്ച അഞ്ചുശതമാനമായിരുന്നു. രാജ്യത്ത്​ ഇൗ വർഷം 650 ദശലക്ഷം ഡോളറി​​​െൻറ വി​ദേശ നിക്ഷേപം ഉണ്ടാകുമെന്നാണ്​ കരുതുന്നത്​. 2008 ൽ ഇത്​ 65 ദശലക്ഷമായിരുന്നെന്നും അദ്ദേഹം ചൂണ്ടിക്കാട്ടി. കഴിഞ്ഞ 12 മാസത്തിനുള്ളിൽ ഗവൺമ​​െൻറ്​ രാജ്യത്തെ പൗരൻമാരുടെ ജീവിത നിലവാരമുയർത്തുന്നതിനുള്ള കൃത്യമായ പരിപാടികൾ വിഭാവനം ചെയ്​തു. സാമ്പത്തിക വികസനരംഗത്തും പ​ുരോഗതിയിലും കഴിഞ്ഞ ഒരു വർഷത്തിനുള്ളിൽ ഏറെ മുന്നോട്ടുപോകുകയും സ്വകാര്യമേഖലയുടെ വളർച്ചക്ക്​ പിന്തുണ നൽകുകയും നവീനത പ്രോത്​സാഹിപ്പിക്കുകയും ചെയ്​തു. ഗവൺമ​​െൻറ്​ ആക്ഷൻ പ്ലാൻ (2015-2018)​​​െൻറ ഭാഗമായി പാർലമ​​െൻറിൽ കഴിഞ്ഞ വർഷം,

റിയൽ എസ്​റ്റേറ്റ്​ വികസനം ഉൾപ്പെടെയുള്ള നിരവധി പുതിയ നിയമങ്ങൾ അംഗീകരിക്കപ്പെട്ടിട്ടുണ്ട്​. ബഹ്​റൈ​​​െൻറ ബജറ്റ്​ കമ്മി 2030 ഒാടെ ഇല്ലാതാകും. ഇതിനായുള്ള പദ്ധതികൾക്ക്​ സൗദി അറേബ്യ, യു.എ.ഇ, കുവൈത്ത്​ എന്നീ രാജ്യങ്ങളിൽ നിന്ന്​ ലഭിച്ച 10 ബില്ല്യൻ ഡോളർ കരുത്താകും. രാജാവ്​ ഹമദ്​ ബിൻ ഇൗസ ആൽ ഖലീ^ഫയുടെ നേതൃത്വത്തിൽ 25,000 പുതിയ ഭവന യൂനിറ്റുകൾ വിതരണം ചെയ്​തത്​ മികച്ച നേട്ടമാണ്​. ഇൗ വർഷം 5,000 ഭവനയൂനിറ്റുകൾ കൂടി വിതരണം ചെയ്യും. ഏറ്റവും പുതിയ ആരോഗ്യ ഇൻഷ്വറൻസ് നിയമവും പരിഗണനയിലാണ്​. പൗരൻമാർക്കും താമസക്കാർക്കും ആരോഗ്യ ഇൻഷുറൻസ്​ പരിരക്ഷ ഉറപ്പാക്കുകയും ചെയ്യുമെന്നും അദ്ദേഹം എടുത്തുപറഞ്ഞു.