ബഹ്​റൈൻ സാമ്പത്തിക അടിത്തറ ശക്തമാക്കും -കിരീടാവകാശി

മനാമ: സൗദി തലസ്ഥാനമായ റിയാദില്‍ നടക്കുന്ന ഫ്യൂച്ചര്‍ ഇന്‍വെസ്​റ്റ്​മെന്‍റ് ഇനിഷ്യോറ്റീവ് 2018 പാനൽ ചർച്ചയിൽ ബഹ്​റൈൻ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ പ​െങ്കട​ുത്തു. സൗദി കിരീടാവകാശിയും ഒന്നാം ഉപപ്രധാനമ​ന്ത്രിയുമായ പ്രിൻസ്​ മുഹമ്മദ്​ സൽമാനൊപ്പമായിരുന്നു അദ്ദേഹം സംബന്​ധിച്ചത്​. മേഖലയില്‍ മല്‍സരാധിഷ്ഠിധ സാമ്പത്തിക സുസ്ഥിരത കൈവരിക്കാനും കൂടുതല്‍ നിക്ഷേപകരെ ആകര്‍ഷിക്കാനും ഫ്യൂച്ചര്‍ ഇന്‍വെസ്​റ്റ്​മെന്‍റ് ഇനിഷ്യോറ്റീവ് പ്രയോജനപ്പെടുമെന്ന്​ അദ്ദേഹം പറഞ്ഞു.

ബഹ്​റൈന്​ സാമ്പത്തികമായി പിന്തുണയും സഹായവും നൽകുന്നതിന്​ സൗദി ​അറേബ്യ, യു.എ.ഇ, കുവൈത്ത്​ രാജ്യങ്ങൾക്ക്​ അദ്ദേഹം പിന്തുണ നൽകി. 2022 ഓടെ ബഹ്​റൈ​​​െൻറ സാമ്പത്തിക ബജറ്റ് കമ്മി ഇല്ലാതാക്കുമെന്ന്​ പറഞ്ഞ അദ്ദേഹം ബഹ്​റൈ​​​െൻറ സാമ്പത്തികാടിത്തറ ശക്തിപ്പെടുകയാണെന്നും ചൂണ്ടിക്കാട്ടി. സാമ്പത്തിക നവീകരണങ്ങളുടെ ഭാഗമായി സർക്കാർ പ്രവർത്തന ചെലവുകൾ കുറയ്ക്കുക, വെള്ളം, വൈദ്യുതി ചട്ടക്കൂടിന്മേൽ പരിഷ്കരണം, സർക്കാർ ജീവനക്കാർക്ക് ഒരു പുതിയ സ്വമേധയായുള്ള വിരമിക്കൽ സ്കീം, വാറ്റ് അവതരിപ്പിക്കൽ തുടങ്ങിയവ നയമാക്കുന്നതായും പ്രിൻസ്​ സൽമാൻ ചൂണ്ടിക്കാട്ടി.