ബിഷപ്പിനെക്കാൾ വലിയ തെറ്റ്​ ചെയ്​തവരാണ്​ സമരത്തിനിറങ്ങിയത്​ -ഡോ. യൂഹാനോന്‍ തിരുമേനി

മനാമ: കേരളത്തിൽ അടുത്തിടെ ബിഷപ്പ്​ ഫ്രാ​േങ്കാമുളക്കലിന്​ എതിരെ സമരം നടത്തിയ വാദിഭാഗം ബിഷപ്പിനെക്കാൾ വലിയ തെറ്റ്​ ചെയ്​തവരാണെന്നാണ്​ തങ്ങൾ മനസിലാക്കിയതെന്ന്​ ​ മലങ്കര ഓര്‍ത്തഡോക്​സ്​ സഭ ചെന്നൈ ഭദ്രാസനാധിപനും സുന്നഹദോസ് സെക്രട്ടറിയുമായ ഡോ. യൂഹാനോന്‍ മാര്‍ ദീയസ്കോറോസ് തിരുമേനി പറഞ്ഞു. മലങ്കര ഓര്‍ത്തഡോക്​സ്​ സഭയുടെ മാത്യ ദേവാലയമായ ബഹ്​റൈൻ സ​​െൻറ്​ മേരീസ് ഇന്ത്യന്‍ ഓര്‍ത്തഡോക്​സ്​ കത്തീഡ്രലി​​​െൻറ വജ്ര ജൂബിലി ആഘോഷത്തിൽ പ​െങ്കടുക്കാൻ ബഹ്​റൈനിൽ എത്തിയ അദ്ദേഹം ‘ഗൾഫ്​ മാധ്യമ’ത്തോട്​ സംസാരിക്കുകയായിരുന്നു. ഉത്തരവാദിത്തപ്പെട്ട ആളിൽ നിന്ന്​ദുരനുഭവം ഉണ്ടായാൽ അത്​ സഭയുടെ ബന്​ധപ്പെട്ട വേദികളിൽ പരാതി പറയാനും നടപടി എടുക്കാനുമുള്ള സൗകര്യമുണ്ട്​. എന്നിരിക്കെ അവിടെ ഉന്നയിക്കാതെ കോടതിയിലേക്കും തെരുവിലേക്കും എത്തിച്ചതിന്​ പിന്നിൽ ഗൂഡാലോചനയുണ്ട്​. ​

ഞങ്ങളുടെ സഭയിൽ നടന്ന സംഭവം അല്ലെങ്കിലും ഇതാണ്​ സത്യമെന്ന്​ മനസിലാക്കിയിട്ടുണ്ട്​. ഇത്തരം വിഷയങ്ങളിൽ തങ്ങൾക്ക്​ തുറന്ന അഭിപ്രായങ്ങൾ പറയുന്നതിൽ പരിമിതികളുണ്ട്​. രണ്ടായിരം വർഷത്തോളം പഴക്കമുള്ളതാണ്​ ക്രൈസ്​തവ സഭ. സഭ നടത്തുന്ന ജീവകാരുണ്യ പ്രവർത്തനങ്ങളും നൻമകളും കാണാതെ ഇത്തരം ഒറ്റപ്പെട്ട സംഭവങ്ങൾ പെരുപ്പിച്ച്​ കാണിക്കാനാണ്​ പലർക്കും താല്​പ്പര്യമെന്നും തിരുമേനി പറഞ്ഞു. ഒരുപക്ഷെ ഇൗ വിഷയത്തിൽ ആരോപണ വിധേയനായ ബിഷപ്പ്​ തെറ്റ്​ ചെയ്​തിരിക്കാം. എന്നാൽ അത്​ രണ്ടാമത്തെ വിഷയമാണ്​. ഇൗ വിഷയം ​ തെരുവി​ലേക്ക്​ വലിച്ചിഴച്ച്​ ഇത്രയും വഷളാക്കിയതാണ്​ ഒന്നാ​മത്തെ തെറ്റ്​. പരാതിക്കാരിയായ കന്യാസ്​ത്രീ സഭക്കുള്ളിൽ സത്യാഗ്രഹസമരം നടത്തിയിരുന്നെങ്കിൽ അത്​ അംഗീകരിക്കാമായിരുന്നു. അല്ലാതെ കോടതിയുടെ അടുത്തേക്ക്​ പോയത്​ ശരിയായ രീതിയല്ലെന്നും ഡോ. യൂഹാനോന്‍ മാര്‍ ദീയസ്കോറോസ് തിരുമേനി പറഞ്ഞു.