‘മട്ടന്നൂരും പെരുവന’വും ബഹ്റൈനിൽ മേളപ്രമാണിമാരായി എത്തുന്നു
text_fieldsമനാമ: സോപാനം വാദ്യകലാ സംഘം സ്റ്റാർവിഷൻ എസ്.പി.എസിയുടെ ബാനറിൽ ഒരുക്കുന്ന ‘വാദ്യസംഗമം- 2018’ നവംബർ എട്ടിനും ഒമ്പതിനും ഇന്ത്യൻ സ്കൂൾ ഗ്രൗണ്ടിൽ അരങ്ങേറുമെന്ന് സോപാനം ഗുരു സന്തോഷ് കൈലാസ് വാർത്തസമ്മേളനത്തിൽ അറിയിച്ചു. മട്ടന്നൂർ ശങ്കരൻകുട്ടി മാരാർ, പെരുവനം കുട്ടൻ മാരാർ എന്നിവർ നയിക്കുന്ന താളമേളവിസ്മയമാണ് ഈ വർഷത്തെ പ്രത്യേകത. വൈക്കം വിജയലക്ഷ്മി അവതരിപ്പിക്കുന്ന ഗായത്രീവീണകച്ചേരി, കാഞ്ഞിലശ്ശേരി പദ്നാഭൻ നയിക്കുന്ന അഞ്ചടന്തമേളം, പെരിങ്ങോട് സുബ്രഹ്മണ്യെൻറ നേതൃത്വത്തിൽ ഇടക്ക വിസ്മയം എന്നിവ പരിപാടിക്ക് മാറ്റുകൂട്ടും. രണ്ട് ദിവസങ്ങളിലായി നടക്കുന്ന പരിപാടിയിൽ 400ൽ പരം കലാകാരന്മാർ അണിനിരക്കും. പ്രോഗ്രാം കൺവീനർ നവീൻ വിജയൻ, ജോ. കൺവീനർമാരായ ഷൈൻരാജ്. ചന്ദ്രശേഖർ, ജോഷി ഗുരുവായൂർ, മനുമോഹൻ കൂരമ്പാല, ദിവ്യ മധു എന്നിവരും വാർത്തസമ്മേളനത്തിൽ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.