ബാലഭാസ്​കറി​െൻറയും തമ്പി കണ്ണന്താനത്തി​െൻറയും വിയോഗത്തിൽ അനുശോചിച്ചു

മനാമ: വയലനിസ്റ്റ് ബാലഭാസ്​കറി​​​െൻറയും സംവിധായകൻ തമ്പി കണ്ണന്താനത്തി​​​െൻറയും വിയോഗത്തിൽ ബഹ്റൈൻ ചലച്ചിത്ര പ്രേമികളുടെ കൂട്ടായ്മയായ 24 എഫ്.ആർ.എഫ് അനുശോചിച്ചു. ചലച്ചിത്ര പ്രവർത്തകർക്ക് എന്നും പ്രേരണയും പ്രചോദനവുമായിരുന്ന സംവിധായകനായിരുന്നു തമ്പികണ്ണന്താനം. മലയാള സിനിമയുടെ ചരിത്രത്തിൽ ആഴത്തിൽ അടയാളപ്പെടുത്തിയിട്ടുള്ള ത​​​െൻറ സിനിമകളിലൂടെ അദ്ദേഹം ജനമനസുകളിൽ അനശ്വരനാണെന്ന് പ്രസിഡൻറ്​ ബിജു ജോസഫ് അഭിപ്രായപ്പെട്ടു.

സംഗീതത്തോടൊപ്പം നിർലോഭമായ സ്നേഹവും പങ്കുവച്ച അതുല്യ കലാകാരനായിരുന്നു ബാലഭാസ്കറെന്ന് സെക്രട്ടറി രഞ്ജിഷ് മുണ്ടയ്ക്കൽ അനുസ്മരിച്ചു. കലാപ്രഭാവം കൊണ്ടും നമ്മെ പ്രചോദിപ്പിക്കുന്ന കലാകാരന്മാർ കാലഘട്ടത്തി​​​െൻറ ആവശ്യമാണ്. വിയോഗം കനത്ത നഷ്​ടമാണ് എന്ന് ചീഫ് കോഡിനേറ്റർ അരുൺകുമാർ ആർ പിള്ള നന്ദി പറഞ്ഞു. അനുസ്മരണത്തിൽ വൈസ് പ്രസിഡൻറ്​ രവി. ആർ.പിള്ള എക്സിക്യുട്ടിവ് അംഗങ്ങളായ അരുൺ പോൾ, അജികുമാർ തുടങ്ങി നിരവധിപേർ സംസാരിച്ചു.