രൂപയുടെ മൂല്ല്യതകർച്ച; മണി എക്​സ്​ചേഞ്ചുകളിൽ തിരക്ക്​ തുടരുന്നു

മനാമ: ഇന്ത്യൻ രൂപക്ക് മൂല്ല്യം കുറയുന്നതിനാൽ മണി എക്​സ്​ചേഞ്ചുകളിലേക്ക്​ പണം അയക്കാനുള്ള പ്രവാസികളുടെ തിരക്ക്​ തുടരുന്നു. ഒരു ബഹ്​റൈൻ ദിനാറി​​​െൻറ ഇന്ത്യൻ രൂപയുമായുള്ള വിനിമയ നിരക്ക്​ ഇന്നലെ 195 രൂപക്ക്​​ മുകളിലായി. കഴിഞ്ഞ മാസം ആറിന്​ ഒരു ബഹ്​റൈൻ ദിനാറിന്​ 189.50 ഇന്ത്യൻ രൂപയാണ്​ എക്​സ്​ചേഞ്ച്​ നിരക്കിലൂടെ ലഭിച്ചത്​. തുടർന്ന്​ അത്​ 190 ലേക്കും 193 ലേക്കും പോയശേഷം സെപ്​തംബർ അവസാനത്തോടെ 192ലേക്ക്​ എത്തി. ഒക്​ടോബറി​​​െൻറ തുടക്കത്തോടെ രൂപയുടെ മൂല്ല്യംഇടിയുന്നത്​ ​റെക്കോർഡിലേക്ക്​ പോയതോടെയാണ്​ ഒരു ബഹ്​റൈൻ ദിനാറിന്​ 195 ഇന്ത്യൻ രൂപയിലേക്ക്​ കൂടുതലായി എത്തിയത്​.

മണി എക്​സ്​ചേഞ്ചുകൾ പലതും നേരിയ വിത്യാസത്തിലാണ്​ നിരക്ക്​ നൽകുന്നത്​. ഉപഭോക്താക്കൾക്ക്​ മണി ട്രാൻസ്​ഫർ എക്​സ്​ചേഞ്ചുകൾ തങ്ങളുടെ നിരക്ക്​ എസ്​.എം.എസുകളായും സാമൂഹിക മാധ്യമങ്ങൾ വഴിയുള്ള അറിയിപ്പുകളായും നൽകുന്നുണ്ട്​. അതിനിടെ നിരക്കിൽ ഇനിയും വിത്യാസം ഉണ്ടാകുമെന്നും രൂപയുടെ മൂല്ല്യം ഇനിയും ഇടി​േഞ്ഞക്കുമെന്നും സൂചനകളുണ്ട്​. എന്നാൽ ഇന്ത്യൻ രൂപയുടെ മൂല്ല്യം ഇടിയുന്നതും അതിനെ തുടർന്ന്​ നാട്ടിലേക്ക്​ അയക്കുന്ന പണത്തിൽ കൂടുതൽ ലഭിക്കുന്നതും പ്രവാസികൾക്കിടയിൽ സന്തോഷമൊന്നും ഉണ്ടാക്കുന്നില്ല. നമ്മുടെ രൂപയുടെ മൂല്ല്യം കുറയുന്നതിന്​ അനുസരിച്ച്​ നാട്ടിൽ ജീവിതച്ചെലവുകൾ കുത്തനെ കൂടുന്നു. അതി​​​െൻറ ഭാഗമായ ബാധ്യതകൾ വർധിക്കുന്നു. ഇവിടെ പണം അയക്കു​േമ്പാൾ കിട്ടുന്ന റേറ്റ്​ നിരക്കിനെക്കാളും മൂന്നും നാലും ഇരട്ടി അധികതുകയാണ്​ പ്രതിദിന ആവശ്യങ്ങളിൽ വന്നുചേർന്നതെന്നും പ്രവാസികൾ പറയുന്നു.