ഹൃദയാഘാതം: ഹോട്ടൽ ജീവനക്കാരനായ മലയാളി മരിച്ചു

മനാമ: ഹൃദയാഘാതത്തെ തുടർന്ന്​ മലയാളിയായ ഹോട്ടൽ ജീവനക്കാരൻ മരിച്ചു. കണ്ണൂർ പിണറായി സ്വദേശി ഇസ്​മായിൽ (46) ആണ്​ ​ മരിച്ചത്​. ഇന്നലെ വൈകുന്നേരം അഞ്ചോടെ ടുബ്ലിയിലെ ഹോട്ടലിൽ വെച്ചായിരുന്നു സംഭവം. തുടർന്ന്​ ടുബ്ലയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. സലാം മമ്പാട്ടുമൂലയുടെ നേതൃത്വത്തിൽ കെ.എം.സി.സി മയ്യിത്ത് പരിപാലന കമ്മിറ്റി അംഗങ്ങൾ സ്ഥലത്തെത്തി. രേഖകൾ ശരിയാക്കി മൃതദേഹം നാട്ടിൽ കൊണ്ടുപോകാനുള്ള ശ്രമം തുടങ്ങി.