ജൈസൽ ശനിയാഴ്​ച ബഹ്​റൈനിൽ

മനാമ: സിംസ് ബഹ്‌റൈൻ ശനിയാഴ്​ച ബഹ്‌റൈൻ കേരളീയ സമാജത്തിൽ നടത്തുന്ന ‘കേരള സോളിഡാരിറ്റി’ ഡിന്നറിലും പൊതുസമ്മേളനത്തിലും കേരളത്തിലെ പ്രളയത്തിൽ സ്വന്തം ചുമൽ ചവിട്ടുപടിയാക്കി താങ്ങായി നിന്ന ജൈസൽ സംബന്​ധിക്കും. ചടങ്ങിൽ അദ്ദേഹത്തെ ആദരിക്കുമെന്നും സംഘാടകർ അറിയിച്ചു. പരിപാടിയിൽ ബഹ്‌റൈനിലുള്ള പ്രമുഖ സാമൂഹ്യ പ്രവർത്തകർ പങ്കെടുക്കും. ജൈസന്​ പാസ്പോർട് ലഭിച്ചുകഴിഞ്ഞുള്ള ആദ്യ സന്ദർശനമാണ് ബഹ്​റൈനിലേത്​. നിരവധിരാജ്യങ്ങളിൽ നിന്നുള്ള ക്ഷണം അദ്ദേഹത്തിന് ലഭിച്ചിട്ടുണ്ട് . ഇന്ത്യക്ക്​ വെളിയിൽ ആദ്യമായി അദ്ദേഹത്തെ കൊണ്ടുവരാൻ കഴിഞ്ഞതിൽ വളരെ സന്തോഷവും അതിലേറെ അഭിമാനവുമുണ്ടെന്നു സിംസ് പ്രസിഡൻറ്​ വാർത്താകുറിപ്പിൽ അറിയിച്ചു.