മാനവികതക്ക്​ അതിരുകളില്ല -ഫാതിമ അൽ മൻസൂരി

മനാമ: മാനവികതക്കും മനുഷ്യസ്​നേഹത്തിനും അതിരുകളില്ലെന്ന്​ ബഹ്​റൈൻ സാമൂഹിക പ്രവർത്തക ഫാതിമ അൽ മൻസൂരി. സീറോ മലബാർ സൊസൈറ്റി നൽകിയ ആദരവ്​ ഏറ്റുവാങ്ങി സംസാരിക്കുകയായിരുന്നു അവർ. കേരളത്തിൽ പ്രളയ സമയത്ത്​ ദുരിതാശ്വാസ പ്രവർത്തനങ്ങളിൽ നേരിട്ട്​ പ​െങ്കടുത്തതി​​​െൻറ പേരിലാണ്​ ഫാതിമയെ ആദരിച്ചത്​. ദേശം, മതം എന്നിങ്ങനെയുള്ള അതിർ വരമ്പുകൾക്ക്​ അപ്പുറം എല്ലാവരെയും മനുഷ്യരായി കാണുകയും ദുരിതം അനുഭവിക്കുന്ന എല്ലാപേർക്കും സഹായം എത്തിക്കണം എന്നതുമാണ്​ ത​​​െൻറ കാഴ്​ചപ്പാടെന്നും അവർ പറഞ്ഞു. ഒരു മുഴുവൻ സമയ സാമൂഹിക പ്രവർത്തകയായി തുടരുവാൻ കഴിയുന്നതിലും ബഹ്ററൈനിലെ മലയാളി സംഘടനകൾ നൽകിവരുന്ന സ്നേഹാദരവുകളിലുംഅവർ സന്തോഷം പങ്കുവച്ചു. സിംസ് പ്രസിഡൻറ്​ പോൾ ഉറുവത് മൊമ​േൻറാ നൽകി ഫാതിമയെ ആദരിച്ചു.

സിംസ് ഗുഡ്വിൻ ഹാളിൽ നടന്ന പരിപാടിയിൽ സിംസ് വൈസ് പ്രസിഡൻറ്​ ചാൾസ് ആലുക്ക സ്വാഗതം പറഞ്ഞു. ബി.എഫ്.സി ജനറൽ മാനേജർ പാൻസിലി വർക്കി, സിംസ് കോർ ഗ്രൂപ്പ് ചെയർമാൻ ഫ്രാൻസിസ് കൈതാരത് എന്നിവർ സംസാരിച്ചു. ശനിയാഴ്​ച ബഹ്റൈൻ കേരളീയ സമാജത്തിൽ ഫണ്ടുശേഖരണാർഥം നടക്കുന്ന സോളിഡാരിറ്റി ഡിന്നറിൽ എല്ലാവരും പങ്കെടുക്കണമെന്ന്​ സിംസ് പ്രസിഡൻറ്​ അഭ്യർത്ഥിച്ചു. അന്നേ ദിവസം വൈകിട്ട് 8.30 ന്​ നടക്കുന്ന സാംസ്​കാരിക സമ്മേളനത്തിൽ കേരളത്തിലെ വെള്ളപ്പൊക്കത്തിൽ ‘സ്വന്തം ശരീരം ചവിട്ടുപടിയാക്കി’യ ജെയിസിലിനെ ആദരിക്കുന്ന ചടങ്ങിലും എല്ലാ സാമൂഹിക സാംസ്കാരിക രാഷ്ട്രീയ പ്രേവർത്തകരും പങ്കെടുക്കണമെന്നും അദ്ദേഹം അഭ്യർഥിച്ചു. സിംസ് ബി.എഫ്​.സി മലയാള ഉത്​സവം 2018 ​​​െൻറ വിജയികൾക്കുള്ള സമ്മാനവിതരണവും വിവിധ കലാപരിപാടികളും ചടങ്ങി​​​െൻറ ഭാഗമായി നടന്നു. ജനറൽ കൺവീനർ സാനി പോൾ നന്ദി പ്രകാശിപ്പിച്ചു.